દિલ્હી પોલીસને મોટી સફળતા મળી છે. દિલ્હી પોલીસે દેશના સૌથી મોટા કાર ચોર અનિલ ચૌહાણની ધરપકડ કરી છે, જેના પર 27 વર્ષમાં 5000 કાર ચોરી કરવાનો આરોપ છે.
દિલ્હી પોલીસને મળી મોટી સફળતા
27 વર્ષમાં 5000 કાર ચોરવાનો આરોપ
આ ચોર સામે 3500થી વધુ કેસ નોંધાયા હતા
દિલ્હી પોલીસને મોટી સફળતા મળી છે. દિલ્હી પોલીસે દેશના સૌથી મોટા કાર ચોર અનિલ ચૌહાણની ધરપકડ કરી છે, જેના પર 27 વર્ષમાં 5000 કાર ચોરી કરવાનો આરોપ છે. અનિલ સામે હત્યા, આર્મ્સ એક્ટ અને દાણચોરીના કેસ નોંધાયેલા છે.
1990ના દાયકામાં સૌથી વધુ મારુતિ 800 કાર ચોરી
અનિલ ચૌહાણને મધ્ય દિલ્હી પોલીસની વિશેષ ટીમે આસામથી ધરપકડ કરી છે. જણાવવામાં આવી રહ્યું છે કે અનિલ છેલ્લા 27 વર્ષથી ગુનાની દુનિયામાં સક્રિય છે. તેમણે 1990ના દાયકામાં સૌથી વધુ કાર (મારુતિ 800) ચોરી કરી હતી. અનિલ જમ્મુ-કાશ્મીર, નેપાળ અને અને ઉત્તર-પૂર્વના રાજ્યોમાં ચોરીની ઘણી કાર વેચતો હતો.
રીક્ષા ચલાવાનો વ્યાવસાય કરતો
અનિલ ચૌહાણ 1990માં દિલ્હીના ખાનપુર વિસ્તારમાં રહેતો હતો અને ઓટો રિક્ષા ચલાવતો. આ પછી, તે ગુનાની દુનિયામાં આવ્યો. તેણે ગાડીઓ ચોરી કરવાનું શરૂ કર્યું. આ પછી, તેણે ક્યારેય પાછું વળીને જોયું નહીં. કાર ચોરીના ધંધામાંથી બિનહિસાબી સંપત્તિ મેળવી છે, તેની સંપત્તિ દિલ્હી, મુંબઇ અને ઉત્તર પૂર્વના રાજ્યોમાં હોવાનું કહેવાય છે. ઇડીએ તેની સામે મની લોન્ડરિંગનો કેસ પણ નોંધ્યો હતો. હાલના સમયમાં તે હથિયારોની દાણચોરી કરતો હતો.
3500થી વધુ કેસ
આસામ પોલીસે સાત વર્ષ પહેલા અનિલ ચૌહાણની ધરપકડ કરી હતી. ત્યારબાદ તેના પર આસામ, દિલ્હી, મહારાષ્ટ્ર સહિત દેશના ઘણા ભાગોમાંથી 4500થી વધુ કાર ચોરી કરવાનો આરોપ લાગ્યો હતો. પોલીસ પૂછપરછમાં અનિલે 4552 કારની ચોરી કરી વેચાણ કર્યાની કબૂલાત કરી હતી. અનિલ ચૌહાણનું નેટવર્ક દિલ્હીથી આસામ અને મહારાષ્ટ્ર સુધી ફેલાયેલું છે. અનિલ પર ત્યાં સુધી દિલ્હીથી લઈને આસામ સુધીના અનેક રાજ્યોમાં 3500 કેસ નોંધાયા હતા.