દિલ્હીમાં રવિવારે, 30 જૂનનો દિવસ ગત ન વર્ષનો સૌથી ગરમ દિવસ નોંધાયો. હવામાન વિભાગ મુજબ, મહત્તમ તાપમાન 42.2 ડિગ્રી સેલ્સિયસ, જ્યારે લઘુત્તમ તાપમાન 32 ડિગ્રી રેકોર્ડ થયું. ગરમી અને લૂની થપાટથી લોકો દિવસભર હેરાન થયા. ગરમીને કારણે દિલ્હી સરકારને પણ 8મા ધોરણ સુધીની સ્કૂલોમાં રજાનો સમય એક સપ્તાહ માટે વધારી દેવામાં આવ્યો છે.
હવામાન વિભાગ અનુસાર, સોમવારે મહત્તમ તાપમાન 42 ડિગ્રી રહેવાની સંભાવના છે. આ દરમિયાન આકાશ વાદળછાયું રહે અને 30-40 કિમીની ઝડપે વાવાઝોડાની આશંકા છે. 2 જુલાઇથી હળવા વરસાદી ઝાપટા પડી શકે છે. તેથી ગરમીમાં રાહત મળી શકે છે.
જોકે, હવામાન વિભાગનું કહેવું છે કે આવનાર ત્રણ દિવસોમાં યૂપીના ઘણા વિસ્તારોમાં ચોમાસૂ પહોંચશે અને દિલ્હીમાં તે 4-6 જુલાઇ સુધીમાં પહોંચશે. એટલે કહી શકો કે, દિલ્હીમાં ગરમીથી રાહત 4 જુલાઇ બાદ મળી શકે છે.
હવામાન વિભાગ અનુસાર, સોમવારથી વરસાદનો સિલસિલો શરૂ થઇ જશે. આ રીતે થોડા થોડા વરસાદી ઝાપડા પડતા રહેશે. તેથી તાપમાનમાં ઘટાડો આવવાની સંભાવના છે. આ વખતે ચોમાસાનું આગમન વિલંબથી થયું છે. વરસાદમાં ઘટાડાની સંભાવના છે. પાણીનું સંકટ પણ ઉભું થઇ શકે છે.