ઈન્ટરનેટ પર લખેલી દરેક વાત સાચી હોતી નથી. દિલ્હીના એક યુવકને આ વાત ખૂબ માર અને નુકસાન સહન કરીને સમજમાં આવી. ઑનલાઈન કોલ ગર્લ્સ સર્ચ કરી એક યુવક પરેશાનીમાં ફસાઈ ગયો. વીડિયો કોલ કરીને યુવતીને મળવા બોલાવી અને પછી સાથીઓ સાથે મળીને યુવક સાથે મારામારી કરી ત્રણ હજાર રૂપિયા લૂંટી લીધા અને 33 હજાર એકાઉન્ટમાં ટ્રાન્સફર કર્યા.
એક યુવક ગુગલ પર સર્ચ કરી રહ્યો હતો કોલ ગર્લ
યુવકે વીડિયો કોલ કરીને યુવતીને મળવા બોલાવી
યુવતી અને તેના સાથીઓએ યુવક સાથે કરી મારામારી
પોલીસે નોંધ્યો કેસ
અમન વિહાર પોલીસ કેસ નોંધી તપાસમાં જોડાઈ છે. પોલીસ મુજબ, 34 વર્ષીય યુવક પરિવારની સાથે પશ્ચિમ વિહારમાં રહે છે. તે સેનિટાઈઝર સાથે જોડાયેલો વેપાર કરે છે. બપોરે લગભગ 1 વાગ્યે તે ઓનલાઈન કૉલ ગર્લ્સ સર્ચ કરી રહ્યો હતો. એક મોબાઈલ નંબર મળ્યો અને તેના પર એક યુવતી સાથે વાતચીત થઇ. યુવતીને વીડિયો કોલ કરી રોહિણી સેક્ટર-22માં મળવા બોલાવી.
યુવતીને ફોન કર્યો અને ફસાયો
યુવક લગભગ 2 વાગ્યે ત્યાં પહોંચી ગયો. યુવતીએ ત્યાંથી પ્રેમ નગર આવવાનુ કહ્યુ. યુવક આ જગ્યાએ પહોંચ્યો. ત્યારબાદ યુવતીએ કહ્યું કે પીરબાબા વાળી જગ્યા પર ઉભા રહો. લગભગ 5 મિનિટ બાદ યુવતી આવી અને યુવકની બાઈક પર બેસીને તેને પોકેટ-13ની સામે લઇને આવી. અહીં એક બિલ્ડિંગના બીજા માળે ફ્લેટમાં યુવકને લઇ ગઇ. યુવતીએ કોઈને વોટ્સએપ કોલ કર્યો. થોડા સમય બાદ ત્યાં એક યુવતી અને બે શખ્સ બીજા આવ્યાં. આ ચાર જણાએ તેને થપ્પડ મારવાનું શરૂ કર્યુ અને પર્સમાંથી 3 હજાર રૂપિયા નિકાળ્યાં. લૂંટારૂ ટોળકીએ કહ્યું કે જીવ બચાવવો હોય તો તેના ખાતામાં 50 હજાર રૂપિયા ટ્રાન્સફર કર.
ધક્કો મારી ફ્લેટમાંથી નિકળ્યો
યુવકે પોતાના પિતાને ફોન કર્યો. તેમણે 30 હજાર રૂપિયા આરોપીઓના એકાઉન્ટમાં ટ્રાન્સફર કરી દીધા. ત્યારબાદ ચાર લોકોએ ધક્કા મારીને તેને ફ્લેટમાંથી કાઢી દીધો. યુવકે પોલીસને ફોન કરી સુચના આપી. પોલીસ ઘટનાસ્થળે પહોંચી અને કેસ નોંધી તપાસમાં જોડાઈ.