ચોંકાવનારો કિસ્સો / ટ્રાફિક પોલીસે મેમો ફાડતા ગુસ્સે ભરાયેલા યુવકે રોડ વચ્ચે બાઇકને આગ ચાંપી દીધી

રાષ્ટ્રીય રાજધાની દિલ્હીના માલવીયનગર વિસ્તારમાં એક ચોંકાવનારી ઘટના બની હતી. જેમાં ટ્રાફિક પોલીસે નશામાં ડ્રાઇવ કરનારાઓની ઓળખ કરવા માટે તમામ વાહનોને રોકીને ચેકિંગ અભિયાન ચલાવી રહ્યા હતા, તે દરમિયાન એક બાઇક ચાલક દારૂના નશાની હાલતમાં પકડાયો. જેનું ટ્રાફિક પોલીસે ચલાણ કાપ્યું. જેને લઇને રાકેશ નામનો બાઇક સવાર નારાજ થઇ ગયો અને ગુસ્સામાં આવીને તેણે પોતાની બાઇકને જ આગ લગાડી દીધી.

બાઇક સવારની આ હરકતથી ટ્રાફિક પોલીસ કર્મચારીઓમાં હડકંપ મચી ગયો. સ્થાનિક પોલીસની સાથે ફાયર વિભાગને પણ આ વાતની જાણ કરાઇ, પરંતુ બાઇક પર લાગેલી આગ પર કાબૂ મેળવી શકાય તે પહેલા જ બાઇક બળીને ખાખ થઇ ગઇ હતી.

પોલીસે રાકેશ વિરૂદ્ધ આઇપીસી 453 હેઠળ કેસ દાખલ કર્યો છે અને તેની ધરપકડ કરીને પૂછપરછ હાધ થરી છે. પોલીસનું કહેવું છે કે, આરોપી દારૂના નશામાં લાગી રહ્યો છે, જોકે તેમનું મેડિકલ ચેકઅપ કરવામાં આવી રહ્યું છે.

Delhi: A man allegedly set his bike on fire today after Delhi traffic police issued a challan to him for violating traffic rules, in Sheikh Sarai area. According to the police, he was in an inebriated condition. pic.twitter.com/hfHH7Gc6Lc

— ANI (@ANI) September 5, 2019

1 સપ્ટેમ્બરથી લાગૂ નવા મોટર વ્હીકલ એક્ટ

1 સપ્ટેમ્બરથી નવા મોટર વ્હીકલ એક્ટને લાગૂ કરી દેવામાં આવ્યો છે. ત્યારથી દિલ્હી પોલીસે પહેલા જ દિવસે અંદાજિત 3900 ચલાણ કાપ્યા હતા. દિલ્હી પોલીસના અધિકારી અનુસાર 557 ચલાણ નશામાં વાહન ચલાવવા માટે, 207 રેડ લાઇટ જંપ કરવા માટે, 195 સીટ બેલ્ટ ન લગાવવા માટે, 336 હેલમેટ ન પહેરવા માટે, 42 ઓવરસ્પીટિંગ માટે અને 26 ચલાણ બાઇક પર ત્રણ સવારી બેસવા માટે ચલાણ કાપવામાં આવ્યા.