મહામારી / દિલ્હીમાં કોરોનાનો મહાવિસ્ફોટ, આજે 22,751 લોકો સંક્રમિત, પોઝિટિવિટી રેટ 23.53 ટકા

• રાજધાની દિલ્હીની હાલત ખરાબ કરી કોરોનાએ
• છેલ્લા ચોવીસ કલાકમાં કોરોનાના 22,751 કેસ
• પોઝિટિવિટી રેટ 23.53 ટકા, દેશમાં સૌથી વધારે 

દિલ્હીમાં રવિવારે કોરોનાના કેસમાં જોરદાર ઉછાળો આવ્યો છે. શનિવારની જેમ રવિવારે પણ પણ કોરોનાનો આંકડો 20,000ને પાર પહોંચ્યો છે. દિલ્હીમાં છેલ્લા ચોવીસ કલાકમાં 22,751 નવા કેસ મળ્યાં છે જ્યારે પોઝિટિવીટી રેટ હવે 23.53 ટકા પહોંચી ગયો છે તો 24 કલાકમાં 17 લોકોના મોત થયા છે તે ચાલુ વર્ષે સૌથી વધારે છે. છેલ્લા મે મહિના બાદ આ એક દિવસમાં સૌથી વધારે છે. 

Delhi logs 22,751 fresh COVID cases, 10,179 recoveries, and 17 deaths today

Active cases: 60,733
Total recoveries: 14,63,837
Today's positivity rate: 23.53% pic.twitter.com/v5IrsTmpLv

— ANI (@ANI) January 9, 2022

દિલ્હીમાં કોરોનાના દૈનિક કેસનો આંકડો પહોંચ્યો 20,000ને પાર 
આ પહેલા શનિવારે દિલ્હીમાં કોરોના ઇન્ફેક્શનના 20,181 નવા કેસ નોંધાયા હતા. આ સમય દરમિયાન 7 દર્દીઓના મોત થયા હતા. ડેટા અનુસાર, એક દિવસ પહેલા 1,02,965 કોવિડ ચેક કરવામાં આવ્યા હતા. જેમાં 79,946 આરટી-પીસીઆરનો સમાવેશ થાય છે જ્યારે બાકીનામાં ઝડપી એન્ટિજેન પરીક્ષણનો સમાવેશ થાય છે. હાલમાં આશરે 1,586 દર્દીઓને હોસ્પિટલમાં દાખલ કરવામાં આવ્યા છે.

દિલ્હીમાં હાલમાં લોકડાઉન નહીં
દિલ્હીમાં હાલમાં લોકડાઉન નહીં લગાડાય તેવી સીએમ કેજરીવાલ જાહેરાત કરી ચૂક્યા છે. જોકે દિલ્હીમાં નાઈટ કર્ફ્યુની જાહેરાત કરી દેવાઈ છે.