દારુ કૌભાંડ / VIDEO : 156 દિવસ બાદ તિહાડ જેલમાંથી બહાર આવ્યાં CM કેજરીવાલ, AAPમાં 'દિવાળી'

દારુ કૌભાંડમાં તિહાડ જેલમાં બંધ દિલ્હીના સીએમ અરવિંદ કેજરીવાલે આખરે ખુલ્લી હવામાં શ્વાસ લીધો છે. સુપ્રીમ કોર્ટ જામીન આપ્યાં બાદ કેજરીવાલે તિહાડ જેલમાંથી છોડી મૂકાયાં હતા. કેજરીવાલ 156 દિવસ બાદ જેલમાંથી છૂટ્યાં છે. તેમના છૂટકારા બાદ આમ આદમી પાર્ટીમાં દિવાળી જેવો માહોલ જોવા મળ્યો હતો અને કાર્યકરોએ ફટાકડાં ફોડીને અને મીઠાઈ ખવડાવીને કેજરીવાલની મુક્તિને વધાવી હતી.

ઓફિસ કે દિલ્હી સચિવાલય નહીં જઈ શકે

કેજરીવાલનો જેલમાંથી તો છૂટકારો થયો છે પરંતુ તેઓ ઓફિસ કે દિલ્હી સચિવાલય નહીં જઈ શકે અથવા તો ઉપરાજ્યપાલ વીકે સક્સેનાની મંજૂરી વગર કોઈ ફાઈલ પર પણ સહી નહીં કરી શકે.

રોડ શો કરીને ઘેર ગયાં

કેજરીવાલ ચાંદગી રામ અખાડાથી રોડ શો કરીને પોતાના ઘેર ગયાં હતા. આ દરમિયાન કાર્યકરો અને લોકોની ભારે ભીડ જોવા મળી હતી. કેજરીવાલની એક ઝલક જોવા માટે લોકો ખૂબ આતુર જોવા મળ્યાં હતા.

156 દિવસ બાદ તિહારમાંથી છૂટકારો

ઈડીએ 21 માર્ચે કેજરીવાલની ધરપકડ કરી હતી. 10 દિવસની પૂછપરછ બાદ 1 એપ્રિલે તેમને તિહાર જેલમાં મોકલી દેવાયાં હતા જોકે 10 મેના રોજ લોકસભા ચૂંટણીના પ્રચાર માટે તેમને 21 દિવસ મુક્ત કરાયાં હતા. સુપ્રીમ કોર્ટે કેજરીવાલને 1 જૂન સુધી મુક્ત કરવાની મંજૂરી આપી હતી. 2 જૂને કેજરીવાલે તિહાર જેલમાં આત્મસમર્પણ કર્યું હતું. જો કેજરીવાલ આજે એટલે કે 13મી સપ્ટેમ્બરે જેલમાંથી છૂટા થયાં છે એટલે આમ જોવા જઈએ તો તેમણે જેલમાં વિતાવેલો કૂલ સમય 177 હતો પરંતુ તેમાંથી 21 દિવસના જામીન બાદ કરવામાં આવે તો તેઓ 156 દિવસ જેલમાં રહ્યાં હતા.

વધુ વાંચો : બ્યૂટી ક્વીન પત્નીના ટુકડાં કર્યાં, બ્લેન્ડરમાં નાખીને પીસી નાખ્યાં, પતિનું ખૌફનાક કારનામું

પત્ની સુનિતા અને પંજાબના સીએમે જેલ બહાર આવકાર્યાં

પત્ની સુનિતા કેજરીવાલ અને પંજાબના સીએમ ભગવંત માન તિહાર જેલ પહોંચ્યાં હતા અને જેલના ગેટ બહાર તેમણે બન્નેએ કેજરીવાલનું સ્વાગત કર્યું હતું.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ