દિલ્હી / 40 લાખ દિલ્હીવાસીઓને મળશે મોટી ભેટ, ગેરકાયદેસર કોલોનીઓને નિયમિત કરવાની મળી મંજુરી

• દિલ્હીના ઉપ રાજ્યપાલે દિલ્હીની ગેરકાયદેસર કોલોનીઓને નિયમિત કરવાની મંજુરી આપી
• દિલ્હી એલજીએ દિલ્હી ભૂમિ સુધાર અધિનિયમના મામલાને પાછો લેવાનો નિર્દેશ આપ્યો
• ઓક્ટોબરમાં સરકારે દિલ્હીની 1797 ગેરકાયદેસર કોલોનીઓને નિયમિત કરવાનો નિર્ણય લીધો હતો

દિલ્હી એલજીએ ગેરકાયદેસર કોલોનીઓના મામલામાં દિલ્હી ભૂમિ સુધાર અધિનિયમના મામલાને પાછો લેવાનો નિર્દેશ આપ્યો છે. આ ઉપરાંત રાજધાનીના 79 ગામોના શહેરીકરણને પણ મંજુરી આપવામાં આવી છે. હવે આ ગેરકાયદેસર કોલોનીઓમાં રહેતા લોકોને તેમના ઘરના ડોક્યૂમેન્ટ મળી જશે. હવે લોકો સરળતાથી ઘર ખરીદી-વેચી શકશે. 

Delhi LG Anil Baijal approves urbanization of 79 villages to facilitate conferring/recognising ownership rights to the residents of unauthorized colonies. https://t.co/C2cb5yXjt6

— ANI (@ANI) November 20, 2019

નોંધનીય છે કે, ઓક્ટોબર મહીનામાં મોદી સરકારે દિલ્હીની 1797 ગેરકાયદેસર કોલોનીઓને નિયમિત કરવાનો નિર્ણય લીધો હતો. દિલ્હીની આ ગેરકાયદેસર કોલોનીઓમાં લગભગ 40 લાખ લોકો રહે છે. 

હવે શું થશે? 

પ્રોપર્ટીના માલિકોને માલિકી હક મેળવવા માટે આ પોર્ટલ પર એપ્લાઇ કરવાનું રહેશે. ત્યારબાદ દિલ્હી સરકાર હેઠળ ઘરની રજિસ્ટ્રી થશે. ડીડીએ લોકલ એરિયાને વિકસિત કરવાનો પ્લાન તૈયાર કરશે.

ગેરકાયદેસર કોલોની, પછી તે સરકારી જમીન પર હોય અથવા ખાનગી જમીન પર તમામને માલિકી હક મળશે. સાથે જ આ ઘરના બદલામાં લોકોને લોન પણ મળી શકશે. સરકાર આ કોલોનીઓને કાયદેસર કોલોની કરાર કરતા ત્યાં તમામ પાયાની સુવિધાઓ જેમકે વીજળી, પાણી, સ્કૂલ, હોસ્પિટલની વ્યવસ્થા કરશે.