રમતમાં હડકંપ / કોચની કાળી કરતૂત, મહિલા ખેલાડી સાથે રેપ કરીને બનાવ્યો અશ્લિલ વીડિયો, પડાવી લીધા 43 લાખ

• એશિયાઈ ગેમ્સમાં સિલ્વર મેડલ જીતનાર ખેલાડીના આરોપ 
• કોચ 2015થી કરી રહ્યાં છે યૌન શૌષણ
• અશ્લિલ વીડિયો પણ બનાવ્યો  હતો 
• દિલ્હીમાં દાખલ થયો પોલીસ કેસ 
• મહિલા ખેલાડીનું નામ જાહેર થયું નથી

ભારતમાં કોચ દ્વારા મહિલા ખેલાડીના યૌન શોષણની વધુ એક ઘટના સામે આવી છે. એશિયન ગેમ્સમાં સિલ્વર મેડલ જીતનારી કબડ્ડીની એક મહિલા ખેલાડીએ કોચ સામે બળાત્કારનો કેસ નોંધાવ્યો છે. મહિલા ખેલાડીનો આરોપ છે કે, કોચ 7 વર્ષથી તેનું શારીરિક શોષણ કરતો હતો. દ્વારકા જિલ્લાના બાબા હરિદાસ નગર પોલીસ સ્ટેશનમાં એફઆઈઆર નોંધાઈ હતી. ડીસીપી દ્વારકા એમ હર્ષવર્ધનના જણાવ્યા અનુસાર કોચ વિરુદ્ધ આઈપીસીની કલમ 376 અને 506 હેઠળ એફઆઈઆર નોંધવામાં આવી છે. સીઆરપીસીની કલમ 164 હેઠળ પીડિતાનું નિવેદન પણ કોર્ટ સમક્ષ નોંધવામાં આવ્યું છે. પોલીસનું કહેવું છે કે આરોપી કોચ જોગિંદર સિંહ દલાલની શોધખોળ કરવામાં આવી રહી છે.

શું છે કેસ?
પીડિતાએ પોલીસમાં  આપેલી ફરિયાદમાં એવો આરોપ લગાવ્યો છે કે 2015માં તે હિરેન જમ્પિંગમાં કબડ્ડી કોચિંગ ક્લબમાં સામેલ થઇ હતી. પ્રેક્ટિસ દરમિયાન આરોપી કોચ જોગિન્દરે તેની છેડતી કરવાનું શરૂ કરી દીધું હતું. આ પછી, તેઓએ તેની સાથે બળજબરીથી શારીરિક સંબંધ બાંધ્યા હતા અને તેના અંગત ફોટા અને વીડિયો પણ બનાવ્યા હતા. ત્યારે આરોપી કોચ વીડિયો અને તસવીરો વાયરલ કરવાની ધમકી આપવા લાગ્યો હતો. પીડિતાએ દાવો કર્યો હતો કે, આરોપીઓએ મેચ વિનિંગ ફીમાંથી 43 લાખ રૂપિયા પણ પડાવ્યા હતા. પીડિતાના લગ્ન 2021માં થયા હતા. આ પછી પણ આરોપીએ તેણીને હેરાન કરવાનું બંધ ન કર્યું અને તેણે તેના પતિને છૂટાછેડા આપવા માટે દબાણ કરવાનું ચાલુ રાખ્યું. આરોપીઓની કરતૂતોથી પરેશાન થયા બાદ પીડિતાએ આ મામલે પોલીસમાં ફરિયાદ કરી હતી.

મહિલા ખેલાડીનું નામ જાહેર થયું નથી

કોચ જોગિંદર સિંહની સામે રેપનો કેસ કરનાર પીડિત ખેલાડીનું નામ જાહેર થયું નથી પરંતુ તે 2018ની એશિયાઈ ગેમ્સનો હિસ્સો હતો અને તેણે કબડ્ડીમાં દેશ વતી સિલ્વર મેડલ પણ જીત્યો હતો.