કોર્ટને દિશા સામેના દિલ્હી પોલીસના પુરાવામાં કંઈ દમ ન લાગ્યો
પોલીસે દિશાના જામીનનો વિરોધ કર્યો પણ કોર્ટ આગળ કંઈ ન ચાલ્યું
કોર્ટે એક લાખના બોન્ડ પર જામીન પર મુક્ત કર્યાં
દિલ્હી પોલીસે ટુલકિટ કેસના સંબંધમાં દિશા રવિની ધરપકડ કરી હતી. દિલ્હી પોલીસે કોર્ટમાં દિશાના જામીનનો વિરોધ કરાયો હતો પરંતુ જજને જામીન ન આપવા પાછળનું કોઈ કારણ ન લાગતા તેમને જામીન પર છોડી દેવાયા.
પટિયાલા હાઉસ કોર્ટના સેસન જજ ધર્મેન્દ્ર રાણાએ દિશાને રુપિયા એક લાખના બોન્ડ પર જામીન પર મુક્ત કર્યાં છે. દિશાને જામીન આપવા પાછળનું કારણ આપતા જજ રાણાએ કહ્યું કે દિલ્હી પોલીસે દિશા રવિની સામે પૂરતા પુરાવા ભેગા કરી શક્યા નથી, દિલ્હી પોલીસ દ્વારા રજૂ કરવામાં આવેલા પુરાવાઓ અપૂરતા છે અને આ આધાર દિશાને જામીન મળવા પાછળનું કારણ બની શકે છે.
ટૂલકિટ ગૂગલ ડોક્યુમેન્ટ મામલો
પર્યાવરણ કાર્યકર દિશા રવિ ખેડૂતોના આંદોલનમાં તૈયાર કરાયેલ ટુલકિટ ગૂગલ ડોકયુમેન્ટી તપાસ મામલે મંગળવારે દિલ્હી પોલીસના સાયબર સેલ કાર્યાલય પહોંચી હતી. કૃષિ કાયદાની સામે ખેડૂતોના આંદોલનને નામે ભારતમાં હિંસા અને અશાંતિ ફેલાવવાના ષડયંત્ર હેઠળ ટુલકિટ તૈયાર કરાયું હોવાનો દિલ્હી પોલીસનો આરોપ છે.