એક વિચિત્ર ઘટનામાં દિલ્હીની તિહાડ જેલનો એક કેદી છુપાવવા માટે મોબાઈલ ગળી ગયો હતો. આ પછી ડોક્ટરો દ્વારા સર્જરી કરીને તેને બહાર કાઢવામાં આવ્યો.
દિલ્હીની તિહાડ જેલમાં બની વિચિત્ર ઘટના
કેદી છુપાવવા માટે મોબાઈલ ગળી ગયો
ડોક્ટરોએ સર્જરી કરીને બહાર કાઢ્યો
મોબાઈલની તસવીર વાયરલ
એશિયામાં સૌથી સુરક્ષિત ગણાતી જેલ દિલ્હીની તિહાડ જેલમાં એક કેદીના મોબાઈલ ગળી જવાનો મામલો સામે આવ્યો છે. આ ઘટના 4 જાન્યુઆરીની છે. પેટમાં ખૂબ દુખાવો ઉપડતા એક કેદીને હોસ્પિટલમાં દાખલ કરવામાં આવ્યો, કેદીનો એક્સરે રિપોર્ટ જોઈને ડોક્ટરો ચોંકી ગયા હતા. ડોક્ટરોને એક્સરેમાં દર્દીના પેટમાં મોબાઈલ હોવાની જાણ થઈ હતી.
દર્દીના પેટમાં જોવા મળ્યો 7 સેમી લાંબો અને 3 સેમી પહોળો મોબાઈલ
કેદીના એક્સરેમાં ડોક્ટરોને 7 સેમી લાંબો અને 3 સેમી પહોળો મોબાઈલ જોવા મળ્યો હતો. જીબી પંત હોસ્પિટલના ગેસ્ટ્રોએન્ટરોલોજી ડિપાર્ટમેન્ટના ડોક્ટર સિદ્ધાર્થે કહ્યું કે દર્દીને 15 જાન્યુઆરીએ હોસ્પિટલમાં લવાયો હતો. તેને પેટમાં અસહ્ય દુખાવો ઉપડ્યો હતો ત્યાર બાદ અમે તેનો એક્સરે લીધો હતો જેમાં 7 સેમી લાંબો અને 3 સેમી પહોળો મોબાઈલ જોવા મળ્યો હતો ત્યાર બાદ એન્ડોસ્કોપી કરીને મોં વાટે મોબાઈલને બહાર કાઢવામાં આવ્યો હતો.
#WATCH दिल्ली की जेल में बंद एक कैदी ने मोबाइल फोन निगल लिया जिसे बाद में एंडोस्कोपी की मदद के द्वारा बाहर निकाला गया। pic.twitter.com/73nN7VLXoL
છુપાવવા માટે કેદી મોબાઈલ ગળી ગયો
આ ઘટના બાદ જેલ પ્રશાસનમાં હડકંપ મચ્યો છે. જેલ પ્રશાસને તપાસ ચલાવી રહ્યું છે કે કેદી પાસે મોબાઈલ આવ્યો ક્યાંથી તેને લઈને મોટી તપાસ શરુ કરી દેવાઈ છે. જેલના એક અધિકારીએ કહ્યું કે કેદી ક્યાંથી મોબાઈલ લઈ આવ્યો હતો પરંતુ પકડાઈ જવાની બીકે તે મોબાઈલ ગળી ગયો હતો ત્યાર બાદ ખરી મુશ્કેલી શરુ થઈ. તેને અસહ્ય દુખાવો ઉપડ્યો હતો અને આખરે ડોક્ટરોએ મોટું ઓપરેશન કરીને તેને બહાર કાઢવો પડ્યો હતો.