દેશમાં ઝડપથી વધી રહેલા કોરોનાવાયરસના કેસોએ હવે આરોગ્ય મંત્રાલયને ઊંઘ ઉડાડી દીધી છે. છેલ્લા 24 કલાકમાં દેશમાં 17 હજારથી વધુ નવા કોરોનાના કેસ નોંધાયા છે. સૌથી વધુ અસરગ્રસ્ત રાજ્યોમાં દિલ્હી અને મહારાષ્ટ્ર છે. કોરોનાની શરૂઆતમાં મહારાષ્ટ્રમાં સૌથી વધુ કેસો જોવા મળ્યા હતા પરંતુ લૉકડાઉન 4.0 (Lockdown) પછીથી કોરોનાએ દિલ્હીમાં ખતરનાક સ્વરૂપ ધારણ કર્યું છે. સ્થિતિ એ છે કે 23 જૂનના રોજ એક જ દિવસમાં દિલ્હીમાં આટલા બધા કિસ્સા પ્રકાશમાં આવ્યા કે તેણે આખી દુનિયાને પાછળ છોડી દીધી.
મુંબઇને પાછળ છોડી આગળ નીકળ્યું દિલ્હી
એક જ દિવસમાં નોંધાયા ચિંતાજનક કેસ
છેલ્લા 24 જૂનની વાત કરીએ તો, દિલ્હીમાં 3,788 નવા કેસ નોંધાયા હતા. નવા કેસ સામે આવ્યા બાદ દિલ્હીએ તો મુંબઈને પણ પાછળ છોડી દીધું. 3,788 કેસ નોંધાયા બાદ દિલ્હીમાં કોરોનાગ્રસ્ત દર્દીઓની સંખ્યા વધીને 70,390 થઈ ગઈ હતી, જ્યારે તે જ સમયગાળામાં મુંબઇમાં 1,118 નવા કેસ નોંધાયા હતા, તો મુંબઈમાં કોરોનાના દર્દીઓની કુલ સંખ્યા વધીને 69,528 થયેલી છે.
દિલ્હી કરતા મહારાષ્ટ્રમાં કોરોનાના કેસ ઓછાં
દિલ્હી માટે સૌથી ખતરનાક દિવસ 23 જૂન રહ્યો. આ દિવસે દિલ્હીમાં 3,947 નવા કેસ નોંધાયા હતા, જે એક દિવસમાં આખા વિશ્વના કોઈપણ શહેરની દ્રષ્ટિએ સૌથી વધુ છે. આ દિવસે, સમગ્ર મહારાષ્ટ્રમાં 3,874 કેસ નોંધાયા હતા. આ દિવસ મહારાષ્ટ્ર માટે રાહતદાયક રહ્યો છે કારણ કે અહીં દિલ્હી કરતા પાંચ ગણી વસ્તી વધારે છે. આ હોવા છતાં, મહારાષ્ટ્રમાં કોરોનાનો ગ્રાફ નીચે આવી રહ્યો છે. મુંબઈની વાત કરીએ તો, 22 મેના રોજ એક દિવસમાં અહીં સૌથી વધુ કેસ આવ્યા હતા. આ દિવસે મુંબઇમાં 1,751 કેસ મળી આવ્યા હતા.
છેલ્લા એક અઠવાડિયાથી દિલ્હીમાં સરેરાશ 3,327 કેસ નોંધાયા છે.
દિલ્હીમાં કોરોના વાયરસના વધતા જતા કેસો વધુ જોખમી બની રહ્યા છે. છેલ્લા એક અઠવાડિયાથી દિલ્હીમાં સરેરાશ 3,327 કેસો જોવા મળી રહ્યા છે, જ્યારે મુંબઇમાં 1 જૂનથી નવા કોરોના કેસ 1600 કરતાં વધી ગયા નથી. અહીં મંગળવારે માત્ર 824 કેસ નોંધાયા છે, જે છેલ્લા 41 દિવસમાં સૌથી નીચો છે. 23 જૂનથી, 23 જૂનથી નવા કોરોના કેસોમાં સતત ઘટાડો થઈ રહ્યો છે.