હાઈકોર્ટે દિલ્હી પોલીસને આદેશ આપ્યો કે નેતાઓ દ્વારા દવાઓની જમાખોરી સાથે જોડાયેલા આ મામલાની ગંભીરતાથી તપાસ કરે અને રિપોર્ટ સોંપે.
નેતાઓ દ્વારા દવાઓની જમાખોરી પર હાઈકોર્ટની ઝાટકણી
દિલ્હી પોલીસને આપ્યા તપાસના આદેશ
મામલાની ગંભીરતાથી તપાસ કરી રિપોર્ટ આપવા કહ્યું
કોરોના મહામારી સમયે નેતાઓ દ્વારા દવાઓની જમાખોરીનો મામલે દિલ્હીમાં હાઈ કોર્ટે ખૂબ નારાજગી વ્યક્તિ કરી છે. દિલ્હી હાઈકોર્ટે સ્પષ્ટ કહ્યું છે કે પોલિટિકલ લીડર્સની પાસે દવાઓ અથવા ઓક્સિજનની જમાખોરી કરવાનો કોઈ અધિકાર નથી. કોર્ટે નારાજગી વ્યક્ત કરતા દિલ્હી પોલીસને સવાલ કર્યો કે બીજેપી નેતા ગૌતમ ગંભીરને આટલા મોટા જથ્થામાં કેમિસ્ટ પાસેથી દવાનો સ્ટોક કઈ રીતે મળ્યો. તેમણે કહ્યું કે જો નેતાઓનો ઈરાદો સાર્વજનિક હીતનો છે તો તેમણે દવાઓ DGHCને આપવી જોઈએ જેથી સરકારી હોસ્પિટલોમાં ઉપલબ્ધ થાય અને જરૂરીયાત મંદ વ્યક્તિઓ સુધી પહોંચી શકે.
તેની સાથે જ પોલીસે કોર્ટને આ મામલે વિસ્તૃત તપાસ રિપોર્ટ દાખલ કરવા માટે 6 અઠવાડિયાનો સમય માંગ્યો, રિપોર્ટ દાખલ કરવા માટે લાંબો સમય માંગવા પર દિલ્હી હાઈકોર્ટે નારાજગી વ્યક્ત કરી. કોર્ટે સ્પષ્ટ કર્યું કે આ નહીં ચલાવી લેવામાં આવે. કોર્ટે કહ્યું કે 6 અઠવાડિયા બાદ આ મુદ્દા રહેશે જ નહીં. રાજનૈતિક પક્ષો પાસે મહામારીમાં આ પ્રકારે દવા જમા કરવાનો કોઈ અધિકાર નથી. એ પણ ત્યારે જ્યારે જરૂરીયાતમંદો તેના માટે વધુ કિંમત ચુકવી રહ્યા છે.
નેતાઓને દવા જમા કરી રાખવાનો કોઈ અધિકાર નહીં: HC
Delhi High Court says political leaders have no business to hoard stocks. Let them surrender it to Director General of Health Services for distribution to govt hospitals. HC says expect Delhi Police to conduct proper probe into hoarding of medicines, asks to file status report
સાથે જ કોર્ટે આશા વ્યક્ત કરી કે દિલ્હી પોલીસે આ મામલે કડક તપાસ કરે અને કહ્યું કે મહામારીના આ સમયમાં રાજનૈતિક ફાયદા માટે જરૂરી દવાઓની જમાખોરી ન થવી જોઈએ. કોર્ટે કહ્યું કે આશા છે કે આ દવાઓને જરૂરીયાતમંદોને આપવા માટે DGHCને મોકલી દેવામાં આવશે.
મામલાની બીજી સુનાવણી 24મે એ થશે
ત્યાં જ કોર્ટે દિલ્હી પોલીસને એવું પણ કહ્યું કે જે તપાસમાં સહયોગ ન આપે તો તેમને જરૂર ખબર હોવી જોઈએ કે તેમને આગળ શું કરવાનું છે. હાઈકોર્ટે દિલ્હી પોલીસને આ મામલે નવો સ્ટેટસ રિપોર્ટ દાખલ કરવા આદેશ આપ્યા છે. મામલાની સુનાવણી 24મે એ ફરી થશે. 24 મે સુધી દિલ્હી પોલીસને નવેસરથી તપાસ કરી સ્ટેટસ રિપોર્ટ કોર્ટમાં દાખલ કરવાનો રહેશે.
ડ્રગ્સ કંટ્રોલર ઓફ ઈન્ડિયાએ નથી કરી હજુ સુધી કોઈ કાર્યવાહી
હોઈકોર્ટે આ મામલે ડ્રગ્સ કંટ્રેલર ઓફ ઈન્ડિયાને પણ નોટિસ જાહેર કરતા જવાબ માંગ્યો છે. હકીકતે દવાઓની જમાખોરી મામલે ડ્રગ્સ કંટ્રોલ એક્ટ હેઠળ ડ્રગ્સ કંટ્રોલરને કાર્યવાહીનો અધિકાર હોય છે. પરંતુ તેમણે આ મામલે અત્યાર સુધી કોઈ કાર્યવાહી નથી કરી.