કોરોના વાયરસના વધતા સંક્રમણની વચ્ચે દિલ્હી હાઈકોર્ટે મહત્વપૂર્ણ ટિપ્પણી કરી છે.
એકલા ડ્રાઈવ કરી રહેલાને પણ માસ્ક પહેરવુ જરુરી
કોર્ટે કહ્યુ કે કોરોના વાયરસ દરમિયાન માસ્ક સુરક્ષા કવચ જેવું
દિલ્હી સરકારે નાઈટ કર્ફ્યુ લગાવવાનું એલાન કર્યુ છે
એકલા ડ્રાઈવ કરી રહેલાને પણ માસ્ક પહેરવુ જરુરી
કોર્ટે માસ્કને સુરક્ષા કવચ ગણાવતા કહ્યુ કે કોઈ વ્યક્તિ એકલા ડ્રાઈવ કરી રહ્યું છે તો તેમને પણ માસ્ક પહેરવુ જરુરી છે. હાઈકોર્ટે કહ્યું કે માસ્ક સુરક્ષા કવચની જેમ કામ કરી રહ્યું છે. જો કોવિડ 19ના પ્રસારને રોકવા માટે મદદગાર છે. ઉલ્લેખનીય છે કે દેશની રાજધાનીમાં કોરોનાના કેસ સતત વધી રહ્યા છે. દિલ્હી સરકારે નાઈટ કર્ફ્યુ લગાવવાનું એલાન કર્યુ છે. નાઈટ કર્ફ્યૂ રાતે 10 વાગ્યાથી સવારના 5 વાગ્યા સુધી લાગૂ રહેશે. આનો હેતુ બિનજરુરી ગતિવિધિઓને રોકવાનો છે. જેથી કોરોનાની ચેનને તોડી શકાય.
કોર્ટે કહ્યુ કે કોરોના વાયરસ દરમિયાન માસ્ક સુરક્ષા કવચ જેવું
હકિકતમાં દિલ્હી હાઈકોર્ટે આ આદેશ ખાનગી વાહનોમાં એકલા વાહન ચલાવતા સમયે માસ્ક નહીં લગાવનારાને દંડને પડકાર આપનારી અરજીને ફગાવતા આપ્યો છે. કોર્ટે કહ્યુ કે કોરોના વાયરસ દરમિયાન માસ્ક સુરક્ષા કવચ જેવું છે.
કોર્ટે વુદ્ધ વ્યક્તિઓને ઘરની અંદર પણ માસ્ક પહેરવા પ્રોત્સાહિત કરવાની વાત કરી
ઉલ્લેખનીય છે કે દિલ્હીમાં માસ્ક ન પહેરનારને 2 હજારનો દંડ છે. સાથે અનેક વાર એવા સમાચાર સામે આવ્યા છે કે કારમાં બેઠેલા એકલા વ્યક્તિનું ચલણ કપાવા પર લોકો અને પોલીસ વચ્ચે ઘર્ષણ થયું છે. હાલમાં દિલ્હી હાઈકોર્ટના આદેશ બાદ સ્થિતિ સ્પષ્ટ થઈ ગઈ છે. આ ઉપરાંત કોર્ટે વુદ્ધ વ્યક્તિઓને ઘરની અંદર પણ માસ્ક પહેરવા પ્રોત્સાહિત કરવાની વાત કરી છે.