ગ્રાહકોને ફટકો / હોટલ અને રેસ્ટોરન્ટમાં જમવા જનાર લોકોએ આપવો પડશે સર્વિસ ચાર્જ, હાઈકોર્ટે જાહેર કર્યો મોટો ચુકાદો

• હોટલ અને રેસ્ટોરન્ટ લઈ શકશે સર્વિસ ચાર્જ 
• દિલ્હી હાઈકોર્ટે કેન્દ્રના નિર્ણય પર સ્ટે મૂક્યો
• આગામી સુનાવણી સુધી કોર્ટે સર્વિસ ચાર્જની આપી મંજૂરી 

જુલાઈમાં હોટલ અને રેસ્ટોરન્ટમાં જમવા જનાર લોકો માટે કેન્દ્ર સરકારે એક રાહત આપતી ગાઈડલાઈન્સ જાહેર કરી હતી પરંતુ હવે દિલ્હી હાઈકોર્ટે લોકોની આ રાહત છીનવી લીધી છે. રેસ્ટોરન્ટમાં જમવા જનાર લોકોએ ઓછામાં ઓછું 31 ઓગસ્ટ સુધી તો સર્વિસ ચાર્જ આપવો જ પડશે તે પછી કોર્ટના આદેશાનુસાર હોટલ અને રેસ્ટોરન્ટ નક્કી કરશ કે વધારે સમય સુધી સર્વિસ ચાર્જ લેવો કે નહીં. 

Levying of service charge on food bills: Division bench asks CCPA to approach single bench to vacate stay order

Read @ANI Story | https://t.co/l5NRCky1f3#DelhiHighCourt #ServiceCharge #food pic.twitter.com/31OQ029P1M

— ANI Digital (@ani_digital) August 18, 2022

દિલ્હી હાઈકોર્ટે સર્વિસ ચાર્જ પ્રતિબંધની કેન્દ્રની ગાઈડલાઈન્સ પર મૂક્યો સ્ટે 

હોટલ અને રેસ્ટોરન્ટ પર સર્વિસ ચાર્જના પ્રતિબંધના કેન્દ્ર સરકારના નિર્ણય પર સ્ટે મૂકતા દિલ્હી હાઈકોર્ટે હોટલ અને રેસ્ટોરન્ટને આ કેસની આગામી સુનાવણી સુધી સર્વિસ ચાર્જ વસૂલવાની મંજૂરી આપી છે. હોટલ અને રેસ્ટોરન્ટ સંગઠનો દ્વારા સર્વિસ ચાર્જના પ્રતિબંધના નિર્ણયને દિલ્હી હાઈકોર્ટમાં પડકારવામાં આવ્યો હતો જેની આજે સુનાવણી ચાલી હતી અને કોર્ટે તેમને હંગામી ધોરણે સર્વિસ ચાર્જ વસૂલવાની રજા આપી છે. હાઈકોર્ટે કેન્દ્રની ગાઈડલાઈન્સ પર સ્ટે મૂક્યો છે. ગુરુવારે આ મામલે સુનાવણી દરમિયાન કોર્ટે કહ્યું કે રેસ્ટોરન્ટ પોતાના કર્મચારીઓને ચૂકવણી કરવા માટે બંધાયેલી છે અને તેના માટે ગ્રાહકોને જવાબદાર ન બનાવી શકાય. કોર્ટ હવે 31 ઓગસ્ટે આ કેસની વધુ સુનાવણી કરશે. 

જુલાઈમાં સર્વિસ ચાર્જ પ્રતિબંધની આવી હતી કેન્દ્રની ગાઈડલાઈન્સ
ઉલ્લેખનીય છે કે કેન્દ્રીય ઉપભોક્તા બાબતોના મંત્રાલયે એક ગાઈડલાઈન્સ બહાર પાડીને હોટલ અને રેસ્ટોરન્ટના સર્વિસ ચાર્જ પર પ્રતિબંધ મૂક્યો હતો. ગાઇડલાઇન્સ અનુસાર સર્વિસ ચાર્જ ભરવો કે નહીં તે ગ્રાહક પર નિર્ભર કરશે, રેસ્ટોરન્ટ આ માટે ગ્રાહકોને કોઈ દબાણ ન કરી શકે, એટલે ગ્રાહકો ઈચ્છે તો સર્વિસ ચાર્જ આપી શકે નહીં તો નહીં. રેસ્ટોરન્ટે અને હોટેલ્સે ગ્રાહકોને સ્પષ્ટ પણે જણાવવું પડશે કે સર્વિસ ચાર્જ વૈકલ્પિક, સ્વૈચ્છિક અને ગ્રાહકની મરજી પર આધારિત છે.  

હાઈકોર્ટના નિર્ણયને કેન્દ્ર સુપ્રીમમાં પડકારશે
દિલ્હી હાઈકોર્ટના નિર્ણયને સુપ્રીમમાં પડકારવાનું કેન્દ્ર સરકાર દ્વારા જણાવાયું છે.