હાઈકોર્ટે સુનોમોટો કરીને કેન્દ્ર , દિલ્હી સરકાર અને દિલ્હી પોલીસને નોટિસ મોકલી
બેદરકારીના કારણે આવેલી બીજી લહેરે દેશભરમાં હાહાકાર મચાવી દીધો હતો. તેમ છતાં લોકો તેમાંથી કંઈ શીખી ન શક્યા. પ્રતિબંધો હટાવ્યા બાદ તરત જ લોકો ભીડ ભેગી કરવા લાગ્યા છે. આશ્ચર્યની વાત તો એ છે કે લોકો માસ્ક પહેરવાની પણ તસ્દી નથી લેતા. દિલ્હી હાઈકોર્ટે લોકોના આ વ્યવહારને લઈને સુઓમોટો દાખલ કર્યો છે. આ મુદ્દા પર સુનવણી કરતા કડક ટીપ્પણીઓ કરી છે અને પ્રસાશનને તેના વિરૂદ્ધ કડક પગલાં ભરવા માટે આદેશ આપ્યા છે.
કેન્દ્ર અને દિલ્હી સરકારને નોટિસ
હાઈકોર્ટે કેન્દ્ર અને દિલ્હી સરકાર ઉપરાંત દિલ્હી પોલીસને પણ નોટિસ મોકલી છે અને તેમની પાસેથી સ્ટેટસની માંગ કરી છે. હાઈકોર્ટ બજારની એ તસ્વીરો અને વીડિયોઝથી પરેશાન છે જેમાં લોકોની ભીડ ઉમટી પડે છે. આ તસ્વીરો અને વીડિયો વોટ્સએપ પર ફરી રહ્યા છે. હાઈકોર્ટ ખાસ કરી આ વાતથી નારાજ છે કે ભીડમાં હાજર લોકોએ માસ્ક પણ નથી પહેર્યું અને કોવિડ-19 પ્રોટોકોલના ધજાગરા ઉડાવતા નિડર થઈને ફરી રહ્યા છે.
વાયરલ થઈ રહેલી આ તસ્વીરોથી લાલ ચોળ થઈ હાઈકોર્ટ
દિલ્હી હાઈ કોર્ટે આ તસ્વીરોને જોતા ખૂબ નારાજગી વ્યક્ત કરી છે અને બેદરકાર લોકોના વિરૂદ્ધ કડક પગલા ભરવાનો આદેશ આપ્યો છે. હાઈ કોર્ટે કહ્યું છે કે જો લોકોને પાઠ ભણાવવામાં ન આવ્યો તો દિલ્હીમાં કોરોનાની ત્રીજી લહેર પણ આવી જશે અને જાન-માલનું નુકસાન થશે. હાઈકોર્ટે આ વાત પર ચિંતા વ્યક્ત કરી કે એક તરફ લોકો બેદરકારી દાખવી રહ્યા છો તો બીજી તરફ પ્રશાસન પણ યોગ્ય પગલાં નથી ઉઠાવી રહ્યા.