હિંદુ દેવી-દેવતાઓ વિરુદ્ધ પોસ્ટ કરનારા વિરૂદ્ધ ટ્વિટરના વલણ સામે દિલ્હી હાઈકોર્ટે વાંધો ઉઠાવ્યો છે.
દિલ્હી હાઈકોર્ટે ટ્વિટરની કાઢી ઝાટકણી
હિન્દુ દેવી-દેવતાઓ વિરુદ્ધ પોસ્ટ કરનારાઓને કેમ બ્લોક નથી કરતા? : HC
ટ્રમ્પ બ્લૉક થઈ શકે તો આ લોકો કેમ નહીં?
દિલ્હી હાઈકોર્ટે ટ્વિટરની ઝાટકણી કાઢતા પૂછ્યું છે કે, જો ડોનાલ્ડ ટ્રમ્પને બ્લોક કરી શકાય છે તો હિન્દુ દેવી-દેવતાઓ વિરુદ્ધ પોસ્ટ કરનારાઓને કેમ બ્લોક કરવામાં નથી આવતા?
ટ્વિટરે કેમ પગલાં ન લીધાં?
દિલ્હી હાઈકોર્ટે હિંદુ દેવી વિશે કથિત રીતે વાંધાજનક સામગ્રી પોસ્ટ કરનારા એકાઉન્ટ સામે સ્વૈચ્છિક રીતે પગલાં ન લેવા બદલ ટ્વિટરને ફટકાર લગાવી છે અને કહ્યું છે કે યુએસ સ્થિત માઇક્રો-બ્લોગિંગ પ્લેટફોર્મ અન્ય પ્રદેશો અને જાતિના લોકોની સંવેદનશીલતા વિશે ચિંતિત નથી.
ટ્રમ્પનું એકાઉન્ટ સસ્પેન્ડ કરવાનો હવાલો આપ્યો
અમેરિકાના ભૂતપૂર્વ રાષ્ટ્રપતિ ડોનાલ્ડ ટ્રમ્પના એકાઉન્ટને કાયમી ધોરણે સસ્પેન્ડ કરવાના સંદર્ભમાં દિલ્હી હાઈકોર્ટે કહ્યું કે, ટ્વિટરનું આ વલણ કોઈ પણ વ્યક્તિને બ્લોક નથી કરી શકતું અને કોર્ટના આદેશની ગેરહાજરીમાં કથિત વાંધાજનક સામગ્રી સામે કાર્યવાહી નથી કરી શકતું જે યોગ્ય નથી.
ટ્વિટર સમાન રીતે સંવેદનશીલ નથી
દિલ્હી હાઈકોર્ટે ટ્વિટરને કહ્યું કે, તમે જે મુદ્દાઓ માટે સંવેદનશીલ છો તેની વિશે જો કંટેટ પોસ્ટ કરવામાં આવે ત્યારે તમે તેને બ્લોક કરવાની કાર્યવાહી કરો છો. પરંતુ તમે વિશ્વના અન્ય પ્રદેશો કે જાતિના લોકોની સંવેદનશીલતા વિશે ચિંતા નથી કરતા.
દિલ્હી હાઈકોર્ટે કહ્યું કે, અમે એમ કહેવાની હિંમત કરીએ છીએ કે જો આ પ્રકારની વાતો કદાચ અન્ય કોઈ ધર્મનાં વિશે કરવામાં આવી હોત તો તમે વધુ સાવચેત અને સંવેદનશીલ હોત.