મોટા સમાચાર / હાઈકોર્ટનો આદેશ : આ યુનિવર્સિટીના વિદ્યાર્થીઓ માટે ઓનલાઈન ઓપન બુક એક્ઝામ યોજાશે, જાણો નિયમો

• પ્રશ્નપત્ર સત્તાવાર પોર્ટલ ઉપરાંત ઈમેઈલના માધ્યમથી મોકલવામાં આવશે
•  આંસરશીટ અપલોડ કરવા માટે વધારાનો સમય આપવામાં આવે
•  આંસરશીટ મેળવ્યા બાદ યુનિવર્સીટી તરફથી વિદ્યાર્થીઓને ઓટો જનરેટેડ ઈ- મેઈલ જશે
• ઓનલાઈન એક્ઝામ ન આપી શકે તેઓ સપ્ટેમ્બરમાં ઓફલાઈન એક્ઝામ આપી શકે 

હાઈકોર્ટે ઓપન બુક એક્ઝામનું આયોજન કરવાની પરવાનગી આપવા ઉપરાંત દિલ્હી યુનિવર્સિટીને પરિક્ષા પુરી થયા બાદ તેનો રિપોર્ટ પણ કોર્ટમાં જમા કરાવવા કહ્યુ છે. જસ્ટિસ પ્રતિભા એમ સિંહે વીડિયો કોન્ફરન્સિંગના માધ્યમથી પોતાના આદેશમાં ડીયૂને કહ્યુ કે સ્ટૂડેન્ટને સત્તાવાર પોર્ટલ ઉપરાંત ઈમેઈલના માધ્યમથી પ્રશ્નપત્ર ઉપલબ્ધ કરાવવામાં આવે અને આંસરશીટ અપલોડ કરવા માટે વધારાનો સમય આપવામાં આવે.  આ ઉપરાંત આંસરશીટ મેળવ્યા બાદ યુનિવર્સીટી તરફથી તમામ વિદ્યાર્થીઓને ઓટો જનરેટેડ ઈ- મેઈલ મોકલવા પણ કહ્યુ છે.

કોર્ટનો આદેશ એ અરજી પર આપવામાં આવ્યો જેમાં દિલ્હી યુનિ દ્વારા ઓનલાઈન ઓપન બુક એક્ઝામ આયોજિત કરવાના નિર્ણયને પડકારવામાં આવ્યો હતો. દિલ્હી યુનિના ફાઈનલ વર્ષના વિદ્યાર્થીઓ માટે એક્ઝામ 10થી 31 ઓગસ્ટની વચ્ચે આયોજિત કરવામાં આવશે. જે વિદ્યાર્થી ઓનલાઈન એક્ઝામ ન આપી શકે તેઓ સપ્ટેમ્બરમાં ઓફલાઈન એક્ઝામ આપી શકે તેવો વિકલ્પ આપવામાં આવ્યો છે. કોર્ટે વિદ્યાર્થોઓને શુભકામના પણ પાઠવી છે.