દિલ્હીના આરોગ્યમંત્રી સત્યેન્દ્ર જૈનના પિતાનું કોરોનાથી મોત થયું છે. જૈનના પિતા છેલ્લા કેટલાક દિવસથી હોસ્પિટલમાં દાખલ હતા.
સત્યેન્દ્ર જૈનના પિતાનું કોરોનાથી મોત
જૈનના પિતા છેલ્લા કેટલાક દિવસથી હોસ્પિટલમાં દાખલ હતા.
મુખ્યમંત્રી અરવિંદ કેજરીવાલે ટ્વિટ કરીને જાણકારી આપી
મુખ્યમંત્રી અરવિંદ કેજરીવાલે ટ્વિટ કરીને જાણકારી આપી કે આરોગ્યમંત્રી સત્યેન્દ્ર જૈનના પિતાનું કોરાનાથી નિધન થયું છે. ભગવાન તેમના આત્માને શાંતિ અર્પે તેવી પ્રાર્થના.
દિલ્હીમાં કોરોના બેકાબૂ, સામે આવ્યાં નવા 16559 કેસ
રાજધાની દિલ્હીમાં કોરોનાએ ગતિ પકડી છે. છેલ્લા ચોવીસ કલાકમાં દિલ્હીમાં કોરોનાના 16559 નવા કેસો નોંધાયા છે. તો 412 લોકોના મોત થયા છે. દિલ્હીમાં કોરોનાને કારણે થનારા 1 દિવસમાં મોતનો આ સૌથી મોટો આંકડો છે.
એક્ટિવ કેસની સંખ્યા વધીને 33 લાખને પાર
દેશમાં સંક્રમણના મામલા શુક્રવારની સરખામણીએ શનિવારે થોડા ઓછા કેસ આવ્યા છે. ગત 24 કલાકમાં આની સંખ્યા 3, 92, 459 રહી છે. જો કે દેશમાં કોરોનાથી એક્ટિવ કેસની સંખ્યા વધીને 33 લાખને પાર થઈ ગઈ છે. આ દરમિયાન કોરોનાના કારણે 3684 લોકોએ જીવ ગુમાવ્યો છે.
કોરોનાના 3 લાખ 92 હજાર 459 નવા મામલા સામે આવ્યા
કોરોનાના 3 લાખ 92 હજાર 459 નવા મામલા સામે આવ્યા બાદ સંક્રમિતોની કુસ સંખ્યા વધી 1,95,49,910 થઈ ગઈ તથા 3684 લોકોના મોત થયા છે એ બાદ કુલ મોતની સંખ્યા વધીને 2,15,523 થઈ ગઈ છે. એક્ટિવ કેસની સંખ્યા વધીને 33,43,910 થઈ ગઈ છે. જે સંક્રમણના કુલ કેસના 17.06 ટકા છે. તથા દર્દીઓના સાજા થવાનો દર વધારે ઘટીને 81.84 ટકા રહી ગયો છે. આંકડા અનુસાર દેશમાં સંક્રમણ બાદ સાજા થયેલા લોકોની સંખ્યા વધીને 1,59,81,772 થઈ ગઈ છે. મૃત્યુદર 1.11 ટકા છે. આઈસીએમઆરના જણાવ્યાનુસાર 30 એપ્રિલ સુધી 28,83,37,385 નમૂનાની તપાસ કરવામાં આવી છે. જેમાં 19, 45, 299 નમૂનાની શુક્રવારે તપાસ કરવામાં આવી છે.