દિલ્લી હાઇકોર્ટે મની લોન્ડ્રિંગ કેસમાં કોંગ્રેસના મહાસચિવ પ્રિયંકા ગાધીના પતિ રોબર્ટ વાડ્રાને નોટીસ ઇશ્યુ કરી છે. વાડ્રાને આ નોટિસ ઇડીની અરજી પર કરવામાં આવી છે. જેમાં તપાસ એજન્સીએ વાડ્રાની જામીન અરજી રદ્દ કરવા માટે કોર્ટનો દરવાજો ખખડાવ્યો છે. આ મામલે કોર્ટમાં આગામી સુનાવણી 17 જુલાઇના રોજ હાથ ધરાશે.
હાઇકોર્ટ પહોંચેલા ઇડીએ કહ્યું કે મની લોન્ડ્રિંગ સાથે જોડાયેલ રોબર્ટ વાડ્રા તપાસમાં સહયોગ નથી કરી રહ્યાં તેમજ એજન્સીઓ દ્વારા પુછપરછમાં કોઇપણ સવાલના જવાબ આપતા નથી. રોબર્ટ વાડ્રાની અત્યાર સુધીમાં ઇડીએ 58 કલાક સુધી પુછપરછ કરી છે.
ઇડી તરફથી હાઇકોર્ટમાં સુનાવણી દરમિયાન કોર્ટમાં રજુ થયેલા તુષાર મહેતાએ જણાવ્યું હતું કે રોબર્ટ વાડ્રા જાણે છે કે તેમની ધરપકડ ન થઇ શકે એટલા માટે તેઓ કોઇપણ પ્રશ્નનો જવાબ નથી આપી રહ્યાં. રોબર્ટ વાડ્રા સામેના મની લોન્ડરીંગ મામલે દિલ્લી હાઈકોર્ટે રોબર્ટ વાડ્રાને નોટિસ ઈશ્યૂ કરી છે.
દિલ્લી હાઈકોર્ટે ઈડીની અપીલ બાદ રોબર્ટ વાડ્રાને નોટિસ ઈશ્યૂ કરી છે. દિલ્લી હાઈકોર્ટે રોબર્ટ વાડ્રાને નોટિસ ઈશ્યૂ કરીને જવાબ માગ્યો છે. ઈડીએ દિલ્લી હાઈકોર્ટને અપીલ કરી હતી કે રોબર્ટ વાડ્રાની જામીન અરજી રદ કરવામાં આવે. જે અંતર્ગત હવે આગામી 17મી જુલાઈના રોજ વધુ સુનાવણી હાથ ધરાશે. ઉલ્લેખનીય છે કે, ઈડીએ નીચલી કોર્ટના નિર્ણયને પડકાર્યો હતો. ત્યાર બાદ દિલ્લી હાઈકોર્ટે નોટિસ ઈશ્યૂ કરીને જવાબ માગ્યો છે.