નિર્ણય / 10 વર્ષ જૂના ડીઝલ વાહનોના રજિસ્ટ્રેશન રદ્દ થઈ જશે, આ રાજ્ય સરકારે લીધો મોટો નિર્ણય

• દિલ્હી સરકાર 10 વર્ષ જૂના ડીઝલના વાહનોનું રજીસ્ટ્રેશન રદ્દ કરશે
• સરકાર તરફથી વધુ એક એનઓસી જાહેર કરવામાં આવશે
• વાહન માલિક બીજા રાજ્યોમાં આવા વાહનોનું રજીસ્ટ્રેશન કરાવી શકશે

દિલ્હીના પરિવહન વિભાગે આદેશ જાહેર કર્યો

એનજીટીના નિર્દેશોને ધ્યાનમાં રાખીને દિલ્હી સરકારના પરિવહન વિભાગ તરફથી આ સંદર્ભે આદેશ જાહેર કરવામાં આવ્યો છે. પરિવહન વિભાગના આદેશમાં કહેવામાં આવ્યું છે કે દિલ્હીમાં એવા બધા ડીઝલ વાહનોનું રજીસ્ટ્રેશન રદ્દ કરવામાં આવશે. જેના 10 વર્ષ પૂર્ણ થઇ ગયા છે અથવા થઇ રહ્યાં  છે.  10 વર્ષ જૂના ડીઝલ વાહનો અને 15 વર્ષ જૂની પેટ્રોલ ગાડીઓ માટે દેશમાં ગમે ત્યાં  એનઓસી જાહેર કરી શકાય છે. જોકે, આ શરતોને આધીન રહેશે કે જે સ્થાનો માટે એનઓસી જાહેર કરવામાં નહીં આવે ત્યાં ફરીથી રજીસ્ટ્રેશન માટે  પ્રતિબંધનો આદેશ છે.

જૂના વાહનોને ઈલેક્ટ્રીક વાહનોમાં ફેરફારનો વિકલ્પ પણ હશે

આદેશમાં કહેવામાં આવ્યું છે કે માલિકોની પાસે પોતાના 10 વર્ષ જૂના ડીઝલ અથવા 15 વર્ષ જૂના પેટ્રોલ વાહનોને ઈલેક્ટ્રીક વાહનોમાં ફેરફારનો વિકલ્પ પણ હશે. જો તેઓ તેનો ઉપયોગ ચાલુ રાખવા માગતા હોય. તેમને આવા વાહનોને વિભાગ તરફથી પંસદ કરેલી એજન્સીઓ દ્વારા ઈલેક્ટ્રીક કિટ લગાવવી પડશે. અન્ય દરેક મામલામાં 10 વર્ષથી જૂના અને 15 વર્ષ જૂના પેટ્રોલ વાહનોને સ્ક્રેપ કરવુ એકમાત્ર રસ્તો હશે. પરિવહન વિભાગ અને ટ્રાફિક પોલીસની ટીમ આવા વાહનોને જપ્ત કરી અધિકૃત વેન્ડરો દ્વારા સ્ક્રેપિંગ માટે મોકલી રહી છે. 

ટ્રીબ્યુનલે 2016માં પણ એક આદેશ જાહેર કર્યો હતો

નેશનલ ગ્રીન ટ્રીબ્યુનલે દિલ્હી-એનસીઆરમાં 10 વર્ષથી જૂના ડીઝલ વાહનો અને 15 વર્ષથી જૂના પેટ્રોલ વાહનોના રજીસ્ટ્રેશન અને તેની અવર-જવર પર પ્રતિબંધથી સંબંધિત નિર્દેશ જાહેર કર્યા છે. જુલાઈ 2016માં એક આદેશમાં ટ્રીબ્યુનલે કહ્યું કે 10 વર્ષથી વધુ જૂના ડીઝલ વાહનોના રજીસ્ટ્રેશન માટે તેમના નિર્દેશનું કડક પાલન કરવામાં આવે.

આખા દેશમાં 2.14 કરોડ જૂના વાહનો

જૂના વાહનોની સંખ્યાના મામલે ઉત્તર પ્રદેશ અને કેરળ પણ સર્વોચ્ચ ક્રમે છે. ઉત્તર પ્રદેશમાં 20 વર્ષથી જૂની 26.20 લાખ, કેરળમાં 20.67 લાખ, તામિલનાડુમાં 15.99 લાખ અને પંજાબમાં 15.32 લાખ વાહનો છે. આ રીતે દેશમાં કુલ 2.14 કરોડ એવા વાહનો  છે, જે 20 વર્ષથી જૂની છે. જેમાં આંધ્ર પ્રદેશ, મધ્ય પ્રદેશ, તેલંગાણા અને લક્ષદ્વીપના આંકડા સામેલ નથી. કારણકે આ રાજ્ય કેન્દ્રીય વાહન પોર્ટલ પર નથી.