દિલ્હી સરકારે દિલ્હી ભવન અને બીજા નિર્માણ મજૂર કલ્યાણ બોર્ડમાં નોંધાયેલા દરેક મજૂરને રોકડા રુપિયા 5 હજારની સહાય આપવાની જાહેરાત કરી છે.
બાંધકામ સેક્ટરના મજૂરોને 5000 ની રોકડ અપાશે
દૈનિક મજૂરો માટે ભોજન કેન્દ્રો પણ સ્થપાયા
પ્રવાસીઓ માટે હેલ્પલાઈનની જાહેરાત
એક નિવેદન બહાર પાડતા દિલ્હી સરકારે જણાવ્યું કે આ યોજના હેઠળ બાંધકામ સેક્ટરના 2,10,684 મજૂરોને 5 હજારની રોકડ સહાય મળશે. દિલ્હી સરકારે 1,05,750 મજૂરો માટે 52.88 કરોડની રકમ અલગ ફાળવી છે અને આગામી દિવસોમાં બીજા મજૂરોને પણ પૈસા આપશે.
મજૂરો અને પ્રવાસીઓના માટે ભોજન વિતરણ કેન્દ્ર સ્થાપિત કરાયા
દિલ્હી સરકારના નિવેદનમાં જણાવાયું છે કે દૈનિક મજૂરો, પ્રવાસીઓ અને બાંધકામમાં રોકાયેલા મજૂરોની જરુરિયાતો પૂરી કરવા દિલ્હીમાં સ્કૂલો અને નિર્માણ સ્થળો પર ભોજન વિતરણ કેન્દ્ર સ્થાપિત કરાયા છે. નિવેદનમાં જણાવાયું કે ગુરુવારે સાંજ સુધીમાં 7,000 ફૂડ પેકેટ આ ભોજન વિતરણ કેન્દ્રોમાંથી વહેંચવામાં આવ્યાં છે. મજૂરો અને પ્રવાસીઓ માટે એક હેલ્પલાઈન પણ શરુ કરવામાં આવી છે.
પીએમ સાથેની બેઠકમાં કેજરીવાલે ઉઠાવ્યા આ ગંભીર મુદ્દા
પીએમ મોદી આજે કોરોના વાયરસ પર વિવિધ મુખ્યમંત્રીઓ સાથે બેઠક કરી હતી જેમાં સીએમ કેજરીવાલે ગંભીર મુદ્દા ઉઠાવ્યા હતા.કેજરીવાલે કહ્યું લે આ ઑક્સીજન સંકટ પેદા થઈ ગયો છે, મારા ફોન વાગ્યા જ કરે છે. હોસ્પિટલોમાં માત્ર અમુક કલાકોના જ ઑક્સીજન બચ્યા હોય છે. અમે મદદ માટે મંત્રીઓને ફોન કર્યા એમણે પહેલા મદદ કરી પરંતુ પછી બિચારા થાકી ગયા. સાહેબ દેશના સંશાઢનો પર તો 130 કરોડ લોકોનો અધિકાર છે ને?સાહેબ પરિસ્થિતિ ગંભીર છે, હાથ જોડીને કહું છું : કેજરીવાલ
સાહેબ હું જાણવા માંગુ છું કે દિલ્હીના ઑક્સીજન કોઈ રોકી લે તો હું ફોન ઉપાડીને કોની સાથે વાત કરું? સાહેબ પરિસ્થિતિ ગંભીર છે. હું દિલ્હીના લોકો વતી હાથ જોડીને અપીલ કરૂ છું કે કોઈ કઠોર અને સાર્થક નિર્ણય નહીં લો તો ખૂબ મોટી તારાજી થશે. સાહેબ મને માર્ગદર્શન આપો.
પીએમ મોદીએ કહ્યું કે એક્સપ્રેસ ચાલી જ રહી છે
કેજરીવાલે જ્યારે કહ્યું કે તમારો આઇડિયા છે કે ઑક્સીજન એક્સપ્રેસ શરૂ કરવામાં આવે જેના પર પીએમ મોદીએ કહ્યું કે આ આઇડિયા નથી, આ એક્સપ્રેસ ચાલી જ રહી છે. તેના પર કેજરીવાલે કહ્યું કે દિલ્હી સુધી આવી નથી, સાહેબ કૃપા કરીને કોરિડોર બનાવી દો. કેજરીવાલે કહ્યું કે અમારી ઑક્સીજન રોકવામાં આવી છે. સાહેબ મહેરબાની કરીને તે રાજ્યોના સીએમને ફોન કરી દો કે અમારા ટ્રક ના રોકે. તમારો એક ફોન જ ખૂબ છે સાહેબ. દિલ્હીના લોકો તરફથી હાથ જોડીને કહી રહ્યો છું કે અમારી મદદ કરો.