નિર્ણય / આ રાજ્યએ પણ દારુની હોમ ડિલિવરીને આપી મંજૂરી, આ રીતે કરી શકશો ઓર્ડર

• દિલ્હી સરકારે દારુની હોમ ડિલિવરીની પરવાનગી આપી
• મોબાઈલ એપ અથવા ઓનલાઈન વેબ પોર્ટલના માધ્યમથી ઓર્ડર કરી શકાય
• કંપનીઓએ એપ્રિલમાં પરવાનગી માંગી હતી

મોબાઈલ એપ અથવા ઓનલાઈન વેબ પોર્ટલના માધ્યમથી ઓર્ડર કરી શકાય

દિલ્હીની આમ આદમી પાર્ટી(આપ) સરકારે ઈન્ડિયન લિકર અને વિદેશી દારુની હોમ ડિલિવરીની પરવાનગી આપી છે. જો કે દારુની હોમ ડિલિવરી માટે મોબાઈલ એપ અથવા ઓનલાઈન વેબ પોર્ટલના માધ્યમથી ઓર્ડર કરવાની રહેશે.

કંપનીઓએ એપ્રિલમાં પરવાનગી માંગી હતી

જાણકારી મુજબ કોરોનાની બીજી સેકેન્ડ વેવ દરમિયાન દિલ્હીમાં લોકડાઉનની જાહેરાત બાદ દારુ નિર્માતા કંપનીઓએ એપ્રિલ મહિને દિલ્હી સરકારને ઘરે દારુની ડિલિવરીની પરવાનગી માંગી હતી. તેમનું કહેવું છે કે મહામારીમાં લોકડાઉનની જાહેરાત બાદ દારુની દુકાન બહાર લાંબી લાઈનો લાગી હતી. દારુ બનાવનારી ઘેરલુ કંપનીઓના સંગઠન કોન્ફેડરેશન ઓફ ઈન્ડિયન આલ્કોહોલિક બેવરેજ કંપની(CISBC)એ મહારાષ્ટ્રનું ઉદાહરણ આપતા કહ્યુ કે મુંબઈમાં કોરોના વાયરસને અટકાવવા માટે પ્રતિબંધ લગાવ્યા છે પણ રાજ્ય સરકાર દારુની હોમ ડિલિવરી ઘર સુધી કરવાની પરવાનગી આપી છે.

દિલ્હી સરકારે દારુને લઈને નિયમોમાં ફેરફાર કર્યા હતા

ઉલ્લેખનીય છે કે મુખ્યમંત્રી અરવિંદ કેજરીવાલ દ્વારા 19 એપ્રિલે લોકડાઉનની જાહેરાતના તાત્કાલિક બાદ દારુની દુકાનની બહાર લાંબી લાઈન જોવા મળી હતી. નોંધનીય છે કે આ પહેલા માર્ચ મહિનામાં દિલ્હી કેબિનેટે દારુ પીવાની ન્યૂનતમ ઉંમર 25 વર્ષથી ઘટાડીને 21 વર્ષ કરવાની નવી નીતિને મંજૂરી આપી હતી. દારુ પીવાની ઉંમર ઓછી કરવા પર વિપક્ષે આપ સરકારને ઘેરી હતી. વિરક્ષનું કહેવું છે કે નવી આબકારી નીતિ દિલ્હીને નશાની રાજધાની બનાવી દેશે.

દિલ્હીમાં દારુની દુકાનોનું આ છે સ્ટેટ

દિલ્હીમાં 863 દારુની દુકાનો છે જેમાં 475 દુકાનોમાં ચાર સરકારી નિગમો દિલ્હી સ્ટેટ ઈન્ડસ્ટ્રિયલ એન્ડ ઈન્ફ્રાસ્ટ્રક્ચર ડેવલપમેન્ટ કોર્પોરેશન (DSIIDC), દિલ્હી ટૂરિઝમ એન્ડ ટ્રાન્સપોર્ટેશન ડેવલપમેન્ટ કોર્પોરેશન (DTTDC), દિલ્હી સ્ટેટ સિવિલ સપ્લાઈઝ કોર્પોરેશન  (DSCSC) અને દિલ્હી કન્ઝ્યૂમર કોઓપરેટિવ હોલસેલ સ્ટોર (DCCWS) દ્વારા સંચાલિત છે. જ્યારે 389 દુકાનો ખાનગી વ્યક્તિઓની માલિકીની છે.  આ 389 ખાનગી દુકાનોમાંથી લગભગ 150 શોપિંગ મોલમાં સ્થિત છે.