શપથ ગ્રહણ / કેજરીવાલની સરકાર બનતા જ દિલ્હીમાં આ હશે પહેલો મોટો પડકાર

• અરવિંદ કેજરીવાલ મુખ્યમંત્રી પદના શપથ લેશે
• રામલીલા મેદાનમાં મંત્રીઓ સાથે શપથ લેશે
• વીજળી, પાણી પૂરા પાડવા એ હશે પહેલો મોટો પડકાર

દિલ્હીની રાજનીતિનો માહોલ ગરમ કરનારા વીજળી અને પાણીના મુદ્દાને લઈને આપ પાર્ટીએ સરકાર તો બનાવી લીધી પણ હવે આ જ બાબતો તેમના માટે પહેલી પરીક્ષા હશે. ચૂંટણીમાં પાર્ટીનું સૌથી મોટું હથિયાર 200 યૂનિટ સુધી ફ્રી વીજળીની રાહત અને સાથે જ 20 હજાર લીટર ફ્રી પાણીની યોજના છે. વીજળી અને પાણીની આ યોજનાઓને આ વખતે પાર્ટીએ ફરીથી ગેરેંટી કાર્ડમાં સામેલ કર્યા છે. સરકારના શપથ ગ્રહણની સાથે જ સિઝન બદલાતા ગરમી શરૂ થઈ રહી છે. આ સમયે આ સૌથી મોટો પડકાર સાબિત થશે.

દિલ્હીની જનતાને ગરમીમાં રહે છે આ મુશ્કેલીઓ

દિલ્હીવાસીઓને ગરમીમાં પાણી અને વીજળી સંકટનો સામનો કરવો પડે છે. આજે પણ દિલ્બીના અનેક વિસ્તારોમાં પાણીની લાઈન નથી અને ટેન્કરના માધ્યમથી જળવિભાગ તેને પૂરું કરી રહ્યું છે. ગરમીમાં દિલ્હીને લગભગ 1000-1200 એમજીડી પાણીની જરૂર રહે છે. આ સમયે ગેરેંટી કાર્ડમાં આપ પાર્ટીએ દિલ્હીના દરેક ઘરે નળથી પાણીની સુવિધા આપવાની જાહેરાત કરી છે. યોજનાના આધારે જનતાને 24 કલાક શુદ્ધ પાણી પૂરું પાડવામાં આવશે. 

પાણી પૂરું પાડવું સૌથી મોટો પડકાર

પાણી પૂરું પાડવું એ આપ સરકાર માટે સૌથી મોટો પડકાર છે. સરકારે દરેક ઘરને 20 હજાર લીટર સુધી પાણી ફ્રીમાં આપવાનું વચન આપ્યું છે. આ યોજનાથી એક મધ્યમ વર્ગીય પરિવારને લગભગ 1000થી 1250 રૂપિયા દર મહિને રાહત મળશે. આ સાથે જ દિલ્હીને 24 કલાક વીજળી આપવા માટે પણ 200 યૂનિટ સુધી ફ્રી આપવામાં આવશે. ઉલ્લેખનીય છે કે દિલ્હીમાં જાન્યુઆરીમાં 47 લાખ લોકોએ તેનો ફાયદો લીધો હતો. 

શિયાળામાં અનેક પરિવારોએ લીધો હતો ફ્રી વીજળીનો લાભ

વીજળીની માંગ ઓછી હોવાના કારણે શિયાળા પહેલાં અનેક પરિવારોએ તેનો લાભ લીધો હતો. આ સિવાય આમ આદમી પાર્ટીના દિલ્હીના વિસ્તારોમાં વીજળીના તારને  હટાવીને તેને જમીનમાંથી જોડવાનું કામ પણ શરૂ કર્યું છે. આ મોટા પડકારની સામે ખર્ચ પણ વધારે છે. મોટી લાઈનો પહેલાં પણ ભૂમિગત કરવાની યોજના બની હતી. પણ ખર્ચ વધારે હોવાના કારણે થઈ શક્યું ન હતું. વિધાનસભા ચૂંટણીમાં ભાજપે પાણીને પોતાનું સૌથી મોટું હથિયાર બનાવ્યું. આ સમયે એક રિપોર્ટના આધારે આરોપ હતો કે દિલ્હીવાસીઓને જળ બોર્ડ ગંદું પાણી પીવડાવવામાં આવી રહ્યું છે. આ સંસ્થાને દેશના 21 શહેરોમાંથી પાણીના નમૂના લેવાયા અને સાથે જ તે રેકિંગમાં 21 મા ક્રમે મળ્યા.