હાલમાં વધુ એક ફૂડ ફ્યુજન સામે આવ્યું છે, જે સમોસા પ્રેમીઓનુ દિલ તોડી રહ્યું છે. વીડિયોમાં એક ફૂડ આઉટલેટ સ્ટ્રોબેરી અને બ્લૂબેરી સમોસા પીરસી રહ્યો છે, જેને જોઇને સોશિયલ મીડિયાના યુઝર્સની આંખો ચાર થઇ ગઇ છે.
સમોસા પ્રેમીઓનુ દિલ તુટ્યુ
દિલ્હીની રેસ્ટોરન્ટે તેના ગ્રાહકોને સ્ટ્રોબેરી અને બ્લૂબેરી સમોસા પીરસ્યા
ફ્યુજન ફૂડનો વીડિયો એક ફૂડ બ્લોગરે તેના ઈન્સ્ટામાં કર્યો શેર
ફૂડ આઉટલેટ સ્ટ્રોબેરી અને બ્લૂબેરી સમોસા પીરસી રહ્યો છે
સોશિયલ મીડિયામાં થોડા સમય પહેલા દાલ મખની, આઈસ્ક્રીમ રોલ, મેગી અને પાણીપુરીની સાથે ચોકલેટ બિરયાની જેવા પ્રયોગે લોકોના હોશ ઉડાવ્યા હતા. આ ક્રમમાં હાલમાં ગુલાબ જાંબુ બર્ગરે બધાનુ ધ્યાન પોતાની તરફ ખેંચ્યુ હતુ. હવે એક નવુ ફૂડ ફ્યુજન સામે આવ્યું છે, જે સ્વાદના શોખીનોને ચોંકાવી રહ્યું છે. હાલમાં દિલ્હીની એક રેસ્ટોરન્ટ પોતાના ગ્રાહકોને સ્ટ્રોબેરી અને બ્લૂબેરી સમોસા પીરસી રહી છે. આ ગજબ ફ્યુજન ફૂડનો વીડિયો એક ફૂડ બ્લોગરે તેના ઈન્સ્ટામાં શેર કર્યો છે.
વીડિયો જોઈને યુઝર્સની આંખો પહોળી થઇ
હાલમાં ઈન્ટરનેટ પર ફૂડ બ્લોગરથી લઇને અજબગજબ ફૂડ કોમ્બિનેશન પિરસનારા રેસ્ટોરન્ટ ચર્ચામાં છે. દિલ્હીનુ એક ફૂડ આઉટલેટ સ્ટ્રોબેરી અને બ્લૂબેરી સમોસા પીરસી રહ્યું છે, જેને જોતા સોશિયલ મીડિયાના યુઝર્સની આંખો ચાર થઇ ગઇ છે. આ વીડિયો બર્નિગ સ્પાઈસેસ નામના એક ફૂડ બ્લોગરે તેના ઈન્સ્ટાગ્રામ પેજ પર શેર કર્યો છે, જેમાં ગુલાબી અને વાદળી રંગના સમોસા દેખાઈ રહ્યાં છે.
વીડિયોને શેર કરીને કેપ્શનમાં લખવામાં આવ્યું છે, તો કદાચ તમે તમારા સમોસાની અલગ-અલગ રીતનો પ્રયાસ કર્યો છે, પરંતુ આ સમોસુ બૉક્સમાંથી બહાર હતુ. લોકો કહેશે, આ શું ખાઈ રહ્યાં છો? શું દેખાઈ રહ્યું છે? તમે શું ખાઈ રહ્યાં છો? પરંતુ આ સ્ટ્રોબેરી સમોસા અને બ્લૂબેરી સમોસા એક મિઠાઈનુ કામ કરે છે.