સાવધાન / જોજો તમારી સાથે આવું ન થાય! ડિલિવરી બોય છેતરીને 50 હજાર પડાવી ગયો, ટ્રિક જોઈને દિમાગ કામ નહીં કરે

• ઓનલાઈન શોપિંગ કરતા લોકો માટે ચેતવણી સમાન કિસ્સો 
• ખાતામાંથી ઉડી ગયા 50 હજાર રૂપિયા 
• જાણો સમગ્ર કિસ્સો 

દિવાળી ધમાકા... બમ્પર સેલ... 50% સુધી ડિસ્કાઉન્ટ... તહેવારોના અંતમાં જ ઓનલાઈન શોપિંગ કરવા માટે દરેક પ્રકારના સેલ અને ઓફર આપવામાં આવી રહ્યા છે. જો તમને પણ ઓનલાઈન શોપિંગ કરવી છે તો આ ખબર તમારા માટે જરૂરૂ છે. અને સતર્ક રહો કારણ કે કંપની ડિલિવરી બોય ક્યાંક તમને જ હજારોનો ચુનો ન લગાવી દે. 

ચોંકાવનારી આવી ઘટના દક્ષિણ દિલ્હીના પોશ વિસ્તાર વસંત વિહારમાં થઈ છે. સરોજ કુમાર યાદવ વસંત વિહારની એક કોઠીમાં રહે છે અને ત્યાં કામ પણ કરે છે. સપ્ટેમ્બરના મહિનામાં ફ્લિપકાર્ટમાંથી તેમણે બે સામાનની અલગ અલગ શોપિંગ કરી હતી. બન્ને સામાન તેમને પસંદ ન હતા માટ તેમણે ફ્લિપકાર્ટ પર તેને એક્સચેન્જ કરવા માટે રિક્વેસ્ટ નાખી. 

રિક્વેસ્ટ નાખ્યા બાદ સરોજ કુમાર યાદવની પાસે ફ્લિપકાર્ટનો ડિલિવરી બોય આવ્યો અને તેની પાસેથી એક સામાન પરત માંગે છે. પીડિતે કહ્યું કે તેમણે સામાન રિટર્ન કરવાની રિક્વેસ્ટ ન હતી કરી પરંતુ ડિલિવરી બોયે ફેસલાવીને કહ્યું કે તમારો એક ઓર્ડર રિટર્ન થઈ ગયો છે અને પૈસા તમારા એકાઉન્ટમાં આવી જશે જ્યારે પીડિતે કહ્યું કે મારી એકાઉન્ટ ડિટેલ ફ્લિપકાર્ટ પાસે નથી તો પૈસા પરત કઈ રીતે આવશે? 

આ ટ્રિકથી કર્યુ કર્યુ ફ્રોડ 
એવામાં તેમને ડિલિવરી બોયે ફોસલાવીને કહ્યું કે જો તમારા પૈસા ન આવે તો તમે મને કોલ કરી લેજો. ત્યાર બાદ તે ત્યાંથી એક ઓર્ડલ લઈને ત્યાંથી પરત ફરી ગયો. અમુક દિવસ બાદ બીજો ડિલિવરી બોય સામાન એક્સચેન્જ કરવા માટે આવ્યો. પીડિતે કહ્યું કે તેમના પહેલા સામાનનું પેમેન્ટ હજુ સુધી નથી આવ્યું તેના માટે શું કરવું પડશે? બીજા ડિલિવરી બોયે પીડિતને પહેલા ડિલિવરી  બોયની વાત કરાવી. પહેલા ડિલિવરી બોયે પીડિકને એક નંબર આપ્યો અને કહ્યું તમે આ નંબર પર કોલ કરી પોતાની સમસ્યા જણાવો. તમને પૈસા મળી જશે. 

પીડિતે જ્યારે તે નંબર પર કોલ કર્યો તો ત્યાર બાદ તે નંબર પર તેને બીજો નંબર આપવામાં આવ્યો અને કહેવામાં આવ્યું કે આ અમારા સીનિયરનો નંબર છે. તેમની સાથે વાત કરી તમારા પૈસા મળી જશે. પીડિતે તે બીજા નંબર પર જ્યારે વાત કરી તો ત્યાંથી બોલનાર વ્યક્તિએ પોતાને ફ્લિપકાર્ટનો એમ્પ્લોય જણાવીને પીડિતને સમજાવીને પેમેન્ટ માટે એનીડેસ્ક એપ્લિકેશન ડાઉનલોડ કરવા માટે કહ્યું.

ત્યાર બાદ ડેબિટ કાર્ડને કેમેરાની સામે લાવવા માટે કહ્યું જ્યારે પીડિતને કેમેરાની કોઈ પણ તસ્વીર આ એપ્લીકેશનમાં ન જોવા મળી પરંતુ સામે વાળા પાસે પીડિતના કાર્ડની દરેક ડિટેલ જતી રહી અને થોડા જ કલાકોમાં પીડિતના એકાઉન્ટમાથી લગભગ 40 હજાર રૂપિયા ગાયબ થઈ ગયા અને તેને થોડા સમય બાદ લગભગ 10 હજાર રૂપિયા ગાયબ થઈ ગયા. 

કેસ દાખલ કરવામાં આવ્યો. 
સરોજ કુમારની ફરીયાદ પર પોલીસે કેસ દાખલ કરી દીધો છે અને કાર્યવાહી પણ શરૂ કરી દીધી છે. મહત્વનું છે કે તહેવારની સીઝનમાં ખરીદી કરનાર લોકો ખૂબ સતર્ક રહો. તમારા કોન્ફિડેન્સિયલ જાણકારી જેવી કે કાર્ડની પિન, પર્સનલ ઓટીપી ડિટેલ કોઈની સાથે શેર ન કરો. સાથે જ કોઈ પણ પ્રકારની એપ્લીકેશનને ડાઉનલોડ ન કરો. ડિલિવરી બોય કે અન્ય લોકો દ્વારા આપેલા કોઈ લિંક પર ક્લિક ન કરો.