ફાઇવ સ્ટાર હોટલમાં યુવાને કપલ પર તાકી બંદુક યુવક પૂર્વ સાંસદનો દીકરો

દિલ્હીમાં હવે ગુનેગારોનો પણ પોલીસનો ડર રહ્યો નથી. દિલ્હીનો એક વીડિયો સામે આવ્યો છે કે જેમાં એક ફાઈવ સ્ટાર હોટલ બહાર એક યુવક હાથમાં બંદુક લઈને એક કપલને ધમકી આપી રહ્યો છે. યુવક એક કપલને બંદુક બતાવીને ધમકી આપી રહ્યો છે. 



એટલું જ નહીં પણ આ બંદુકધારી યુવક આ કપલને જાનથી મારી નાખવાની પણ ધમકી આપી રહ્યો છે. કપલને અપશબ્દો બોલે અને અભદ્ર ભાષાનો વ્યવહાર પણ કરે છે. ગમે તેમ કરીને આસપાસ ઊભેલા લોકો તેને સમજાવે છે અને કપલ પોતાની કારમાં રવાના થાય છે.
 

#WATCH A man brandishes a gun outside a 5-star hotel in Delhi on October 14. A case has been registered in connection with the incident. #Delhi pic.twitter.com/G14eqVJU0U

— ANI (@ANI) October 16 2018

ત્યારે પ્રાપ્ત વિગતો મુજબ આરોપી પૂર્વ બી.એસ.પી. સાંસદનો દીકરો હોવાનું સામે આવ્યું છે. પૂર્વ સાંસદ રાકેશ પાંડેનો તે દીકરો હોવાનું સામે આવ્યું છે. ઉપરાંત આંબેડકર નગરના બી.એસ.પી.ના ધારાસભ્યોનો ભાઈ પણ હોવાનું બહાર આવ્યુ છે. 

ઉલ્લેખનીય છે કે આરોપી પર મહિલા ટોયલેટમાં જબરદસ્તી ઘૂસવાનો આરોપ છે. પોલીસે પણ આ વીડિયો સામે આવ્યા બાદ આગળ કાર્યવાહી હાથ ધરી છે. પોલીસે આ બંદુકધારીની ઓળખ કરતા આશિષ પાંડે નામ સામે આવ્યું છે અને પોલીસે આર્મ્સ એકટનો ગુનો દાખલ કરી કાર્યવાહી હાથ ધરી છે.