આગ / દિલ્હીના શાલીમાર બાગ વિસ્તારમાં મોડી રાતે એક ઘરમાં લાગી આગ, 3 મહિલાના મોત, 4 સારવાર હેઠળ

• દિલ્હીમાં શાલીમાર સ્થિતમકાનમાં લાગી આગ
• મોડી રાતે લાગેલીમાં આગમાં 3 મહિલાઓએ ગુમાવ્યા જીવ
• અન્ય 4 લોકો હોસ્પિટલમાં સારવાર હેઠળ

ફાયરબ્રિગેડની 7 ગાડીઓ સ્થળ પર પહોંચી અને આગ પર કાબૂ મેળવ્યો હતો. શાલીમારના બીક્યૂ બ્લોકમાં સાંજે લાગેલી આગને કાબૂમાં લેવા માટે 2 મિનિટમાં ફાયર ફાઈટર્સ પહોંચી ગયા હતા. પોલીસ સ્ટાફ પર 10 મિનિટમાં ઘટના સ્થળે હાજર થયો હતો.

#UPDATE 3 women have lost their lives in the fire that broke out at a house in Shalimar Bagh area of Delhi, today. https://t.co/IEPYesJkdV

— ANI (@ANI) December 14, 2019

ટેરેસનો દરવાજો તોડીને પોલીસ કર્મીઓ ઘરમાં પહોંચ્યા

પોલીસે ઘરના ટેરેસનો દરવાજો તોડ્યો અને 2 મહિલાઓને બચાવી. આ બંને મહિલાઓ બેહોશ હાલતમાં હતી. ઘરમાં ધુમાડો ભરાઈ ચૂક્યો હતો. પોલીસે ફાયર વિભાગના કર્મચારીઓને ઘરમાં ફસાયેલા લોકોને શોધવા કહ્યું. ત્યારબાદ 5 લોકોને ઘરમાંથી કાઢવામાં આવ્યા. લગભગ 2 કલાકના અંતે આગ પર કાબૂ મેળવાયો હતો. ઘરમાંથી કાઢવામાં આવેલા લોકોને પાસેની ફોર્ટિસ હોસ્પિટલમાં એડમિટ કરાવવામાં આવ્યા હતા. હોસ્પિટલમાં 3 મહિલાઓને મૃત જાહેર કરાયા અને અન્ય 4 લોકોની સારવાર ચાલી રહી છે. 

ઘટનામાં ઘાયલ અને મૃત્યુ પામેલાઓની યાદી

આ ઘટનામાં 75 વર્ષના કાંતા, 65 વર્ષની કિરણ, 42 વર્શની સોમવતી મૃત્યુ પામ્યા છે. તો લાજવંતી 68 વર્ષ, ઈન્ના 28 વર્ષ, અક્ષિત 16 વર્ષ અને વંશિકા 14 વર્ષ આ તમામની સારવાર ચાલી રહી છે.