કૃષિ કાયદાના વિરોધમાં ખેડૂતોના ધરણા યથાવત છે. ત્યારે મામલે આજે સુપ્રીમકોર્ટમાં સુનાવણી હાથ ધરાઈ હતી. જ્યાં સુપ્રીમ કોર્ટે વિરોધની રીત નક્કી કરવા કવાયત હાથ ધરી મામલો વેકેશન બેન્ચને સોંપ્યો છે. ત્યારે આ બધા વચ્ચે ખેડૂતોના સમર્થનમાં ગુજરાતથી રાજસ્થાન-હરિયાણા બોર્ડર પર પહોંચેલા કિસાન કોંગ્રેસના કાર્યકરોએ ગરબે ઘુમી આપ્યું સમર્થન.
ગુજરાત કિસાન કોંગ્રેસ હરિયાણા બોર્ડર પર
ખેડૂતોના સમર્થનમાં ગુજરાતી ગરબા
DJના તાલે ખેડૂતોને સમર્થન
રાજસ્થાન-હરિયાણા બોર્ડર પર કૃષિ કાયદાના વિરોધમાં આંદોલન કરી રહેલા ખેડૂતોને સમર્થન આપવા ગુજરાત કિસાન કોંગ્રસ નેતા અને કાર્યકરો પહોંચી ગયા છે. જો કે, એક કહેવત છે કે જ્યાં વસે ગુજરાતી, ત્યાં સદાકાળ ગુજરાત. આ કહેવતને સાર્થક કરતાં ગુજરાતી કાર્યકરો કૃષિ કાયદાનો વિરોધ પણ ગરબા ગાઈને કરી રહ્યા છે.
આજે જ્યારે સુપ્રીમકોર્ટના જસ્ટીસ વિરોધની રીત નક્કી કરવા કવાયત કરી રહ્યા હતા. ત્યારે ગુજરાતના કિસાનો આ રીતે વિરોધની રીત અખત્યાર કરી ચૂક્યા હતા.