મની લોન્ડ્રિંગ કેસ / રાહુલ અને સોનિયા ગાંધીની પૂછપરછ બાદ EDની પહેલી મોટી કાર્યવાહી, યંગ ઇન્ડિયાની ઓફિસ કરી સીલ, જાણો મામલો

• નેશનલ હેરાલ્ડ કેસમાં EDની મોટી કાર્યવાહી 
• નેશનલ હેરાલ્ડની ઓફિસને સીલ કરી દીધી
• મની લોન્ડરિંગની ગુનાહિત કલમો હેઠળ દરોડા

એન્ફોર્સમેન્ટ ડિરેક્ટોરેટે મની લોન્ડરિંગ કેસમાં બુધવારે (3 ઓગસ્ટ, 2022) મોટી કાર્યવાહી કરી હતી. તપાસ એજન્સીએ દિલ્હીમાં નેશનલ હેરાલ્ડની ઓફિસને સીલ કરી દીધી હતી. ન્યૂઝ એજન્સી એએનઆઈના જણાવ્યા અનુસાર, એ પણ નિર્દેશ આપવામાં આવ્યો છે કે તપાસ એજન્સીની મંજૂરી વિના ઓફિસ ન ખોલવામાં આવે.

કોંગ્રેસ સમીતિની બહાર પોલીસ બેરીકેડ
આ દરમિયાન દિલ્હીમાં કોંગ્રેસના વચગાળાના વડા સોનિયા ગાંધીના નિવાસસ્થાન 10 જનપથની બહાર વધારાનો પોલીસ બંદોબસ્ત ગોઠવી દેવામાં આવ્યો છે, જ્યારે અખિલ ભારતીય કોંગ્રેસ સમિતિના મુખ્યાલયની બહાર દિલ્હી પોલીસના બેરિકેડ જોવા મળ્યા હતા.

Additional police force deployed outside the AICC headquarters in Delhi pic.twitter.com/elZCIAdS5y

— ANI (@ANI) August 3, 2022

11 સ્થળોએ દરોડા પાડ્યા હતા
આ પહેલા ઈડીએ આ તપાસના સંબંધમાં 1 ઓગસ્ટના રોજ એક દિવસ પહેલા જ કોંગ્રેસની માલિકીના અખબારના હેડક્વાર્ટર અને અન્ય 11 સ્થળો પર દરોડા પાડ્યા હતા. અધિકારીઓના જણાવ્યા અનુસાર, આ દરોડા પ્રિવેન્શન ઓફ મની લોન્ડરિંગની ગુનાહિત કલમો હેઠળ દરોડા પાડવામાં આવ્યા હતા, જેથી એ જાણવા માટે વધારાના પુરાવા એકઠા કરી શકાય કે કોની વચ્ચે નાણાંની લેવડદેવડ કરવામાં આવી હતી. 

#CLARIFICATION | Enforcement Directorate (ED) seals the Young Indian office at the Herald House building in Delhi.

The order reads that the "premises not be opened without prior permission" from the agency. pic.twitter.com/1sZ7sNqg4A

— ANI (@ANI) August 3, 2022

સોનિયા ગાંધીની ત્રણ તબક્કામાં પુછપરછ
તેમણે જણાવ્યું હતું કે, આ કેસમાં વિવિધ લોકોની તાજેતરની પૂછપરછ બાદ ઇડીને મળેલા તાજા પુરાવાને ધ્યાનમાં રાખીને આ કાર્યવાહી કરવામાં આવી છે. કોંગ્રેસ પ્રમુખ સોનિયા ગાંધીની પૂછપરછ કરવામાં આવ્યાના એક અઠવાડિયા પછી આ દરોડા પાડવામાં આવ્યા છે. ગયા મહિને સોનિયાની ત્રણ તબક્કામાં 11 કલાકથી વધુ સમય સુધી પૂછપરછ કરવામાં આવી હતી, જ્યારે જૂનમાં પુત્ર અને કોંગ્રેસના પૂર્વ પ્રમુખ રાહુલની ઇડી દ્વારા પાંચ દિવસ  માટે 50 કલાકથી વધુ સમય સુધી પૂછપરછ કરવામાં આવી હતી.

ED seals National Herald office in Delhi

Read @ANI Story | https://t.co/iOq6RLyArX#NationalHerald #EDsealsNationalHerald #NationalHeraldCase #EnforcementDirectorate pic.twitter.com/nOxWvON2TY

— ANI Digital (@ani_digital) August 3, 2022

કોંગ્રેસે આ કાર્યવાહીને "રાજકીય બદલો" ગણાવી
ધ નેશનલ હેરાલ્ડ એસોસિએટેડ જર્નલ્સ લિમિટેડ દ્વારા પ્રકાશિત કરવામાં આવે છે અને તેની પેરેન્ટ કંપની 'યંગ ઇન્ડિયન' છે. નેશનલ હેરાલ્ડની ઓફિસ મધ્ય દિલ્હીના આઇટીઓ ખાતે બહાદુર શાહ ઝફર માર્ગ પર 'હેરાલ્ડ હાઉસ' ખાતે આવેલી છે અને 'એસોસિએટેડ જર્નલ્સ લિમિટેડ'ના નામે રજિસ્ટર્ડ છે. તપાસ એજન્સીની ટુકડીએ અગાઉ પણ અહીં દરોડા પાડ્યા હતા, ત્યારે કોંગ્રેસે ઇડીની તેના નેતાઓ સામેની કાર્યવાહીને "રાજકીય બદલો" ગણાવી હતી અને કહ્યું હતું કે આ કેસમાં કોઈ મની લોન્ડરિંગ નથી.