Delhi Elections Results 2020 / દિલ્હી પરિણામો: 2 રૂપિયે કિલો લોટની સામે બહેતર શિક્ષણની જીત, જાણો કયા મુદ્દાઓને જનતાએ વધાવ્યા

• ભાજપે પ્રચારમાં શાહીન બાગનો મદ્દો બનાવ્યો હતો
• ગંદા પાણીનો મુદ્દો ભાજપે ઉઠાવ્યો હતો
• મનીષ સિસોદિયાનો સૌથી મોટો માસ્ટસ્ટ્રોક

આ ચૂંટણીમાં કેટલાક મુદ્દા સતત હાવી રહ્યા જેમણે આ સમગ્ર ચૂંટણી કેમ્પેઇનને એક દિશા આપી. જેમાં પ્રમુખ મુદ્દો શાહીન બાગ હતો. ચૂંટણી પરિણામથી લાગી રહ્યું છે કે શાહીન બાગનો મુદ્દો અહીં ફેઇલ થયો અને દિલ્હીના વિકાસની જીત થઇ.

ભાજપે પ્રચારમાં શાહીન બાગનો મદ્દો બનાવ્યો હતો

ઓખલા વિધાનસભા ક્ષેત્ર હેઠળ આવનાર શાહીન બાગમાં તો છેલ્લા 58 દિવસોથી મહિલાઓ રાત-દિવસ ધરણા પર બેઠા છે. ભાજપે પોતાના ચૂંટણી પ્રચારમાં શાહીન બાગનો મુદ્દો બનાવ્યો હતો તો અરવિંદ કેજરીવાલે મુસ્લિમ બહુમતિ વિસ્તારમાં ચૂંટણી પ્રચારમાં દૂરી બનાવી રાખી હતી. ત્યારે, કોંગ્રેસ શાહીન બાગના સમર્થનમાં ઉભી રહી હતી.

 

 

 

 

View this post on Instagram

 

 

 

 

 

 

 

 

 

દિલ્હી વિધાનસભા ચૂંટણી : મુદ્દાઓની પરીક્ષામાં જુઓ કોણ પાસ કોણ ફેલ #DelhiResults #DelhiResultsonVTV #DelhiElectionResults #DelhiElections #DelhiAssemblyPolls @aamaadmiparty @bjp4india @bjp4delhi @incindia

A post shared by VTV Gujarati News and Beyond (@vtv_gujarati_news) on Feb 11, 2020 at 2:53am PST

ગંદા પાણીનો મુદ્દો ભાજપે ઉઠાવ્યો હતો

દિલ્હીની ચૂંટણીમાં ભાજપે ગંદા પાણીનો પણ મુદ્દો જોરશોરથી ઉઠાવ્યો હતો. દિલ્હી અને આસપાસના શહેરો જેવા નોઇડા અને ગુરૂગ્રામના બાશિંદે એ નથી જાણતા કે પીવાનું પાણી કેટલુ સુરક્ષિત અને કેટલુ શુદ્ધ છે? દિલ્હીની સરકારે જ્યાં પાણીને સૌથી સુરક્ષિત ગણાવ્યું, ત્યારે કેન્દ્ર સરકારે એવું નથી માનતી હતી. આની કાટમાં AAPએ મફત પાણી-વિજળીનો મુદ્દો ઉઠાવ્યો હતો.

ઝૂપડપટ્ટીના બદલે મકાનનો મુદ્દો છવાયેલો રહ્યો

દિલ્હી ચૂંટણીમાં ગેરકાયદે કૉલોની અને ઝૂંપડપટ્ટીના બદલે મકાનનો પણ મુદ્દો છવાયેલો રહ્યો. આના પર પોતાની સરકારના કામોને ગણાવતા જાવડેકરે કહ્યું હતું કે અમે અનેક પોઝિટિવ કામ કર્યા. ગેરકાયદે કૉલોનિયોની સમસ્યાની જે 40 વર્ષથી સમસ્યા હતી તેને સૉલ્વ કરી અને 7 લાખ ઘરવાળાઓ અને 40 લાખ કૉલોનીવાળાને ન્યાય આપ્યો. આનો ફાયદો ભાજપને ન થયો અને આ મુદ્દે કેજરીવાલ પાસ થયા.

મોહલ્લા ક્લિનિકના મુદ્દે કેજરીવાલની ભારે બેટિંગ

કેજરીવાલે આ ચૂંટણીમાં શરૂઆતથી જ કામ એટલે વિકાસ પર ફોકસ કર્યું. કેજરીવાલ હંમેશા કહેતા દેખાયા કે આ ચૂંઠણી કામ પર લડવામાં આવશે અને જનતા કામને મત આપશે. કેજરીવાલે દિલ્હી સરકારના મોહલ્લા ક્લિનિકના મુદ્દે ભારે બેટિંગ કરી. તેમણે દરેક ગલી, ચોક-ચાર રસ્તે પોતાની મોહલ્લા ક્લિનિકને કેન્દ્રની આયુષ્માન હેલ્થ કાર્ડથી યોગ્ય ગણાવ્યું.

દિલ્હીમાં પ્રદૂષણ પણ એક પ્રમુખ મુદ્દો રહ્યો. આના સમાધાન માટે કેજરીવાલ સરકારે ઑડ-ઈવનનો ફૉર્મૂલા અપનાવ્યો.

દિલ્હીમાં મહિલાઓને મફત યાત્રા પણ એક ચૂંટણી મુદ્દો રહ્યો. મુખ્યમંત્રી કેજરીવાલે કહ્યું હતું કે અમે મહિલાઓ માટે સફર ફ્રી કરી દીધી. દિલ્હીની મહિલાઓ ખુશ છે. દુનિયામાં કોઇએ એવું વિચાર્યું પણ નહીં હોય. વિપક્ષી પાર્ટિઓએ ખૂબ હોબાળો કર્યો. લોકો પુછે છે પૈસા ક્યાંથી આવે છે.

મનીષ સિસોદિયાનો સૌથી મોટો માસ્ટસ્ટ્રોક

દિલ્હી વિધાનસભા ચૂંટણી 2020માં આમ આદમી પાર્ટી (AAP)નો સૌથી મોટો માસ્ટરસ્ટ્રોક દિલ્હીની શાળાની કાયાપલટ રહી. દિલ્હીની સરકારી શાળાઓની કાયાકલ્પ જે શખ્સે કરી તેનું નામ છે મનીષ સિસોદિયા, જેમની પટપડગંજ બેઠક પરથી જીત થઇ છે. જેમણે દિલ્હી સરકારમાં નાયબ મુખ્યમંત્રી અને શિક્ષણ મંત્રી રહેતા આ કામ કર્યું. આ મુદ્દો ભાજપના બે રૂપિયા કિલો લોટ આપવાના વચન પર ભારે પડ્યો.

ચૂંટણીમાં આપ-ભાજપ વચ્ચે ટક્કર

જણાવી દઇએ કે દિલ્હી વિધાનસભા ચૂંટણીના પરિણામ આવવાના શરૂ થઇ ચૂક્યા છે. મતની ગણતરી સવારે 8 વાગ્યાથી શરૂ થઇ ગઇ. 8 ફેબ્રુઆરીએ દિલ્હી વિધાનસભા ચૂંટણી માટે મતદાન થયું હતું. ચૂંટણીમાં આમ આદમી પાર્ટી અને ભાજપ વચ્ચે ટક્કર છે. દિલ્હીમાં 81,05,236 પુરૂષ મતદાર, 66,80,277 મહિલા મતદાર અને 869 ત્રીજી લિંગના મતદારો માટે કુલ 13,570 મતદાન બૂથ બનાવવામાં આવ્યા હતા.