દેશની રાજધાની ગણાતા દિલ્હીમાં વિધાનસભા ચૂંટણીનો જંગ જામ્યો, કોંગ્રેસ, ભાજપ અને આપ વચ્ચે જાણે ત્રિકોણીયો જંગ જામ્યો હોય તેમ પ્રચાર-પ્રસાર કરવામાં આવ્યો અને આજે સરેરાશ 58 ટકા મતદાન કર્યું. મતદાન કેન્દ્રો પર સવારથી લોકોની કતારો જોવા મળી હતી તો દેશના દિગ્ગજ નેતાઓએ પણ મતદાન કરીને પોતાની ફરજ બજાવી છે. ત્યારે હવે એક્ઝિટ પોલના આંકડાઓ સામે આવ્યા છે.
AAPને બહુમતી પરંતુ ભાજપને ફાયદો
નોંધનીય છે કે, તાજેતરમાં સામે આવેલા ઍક્ઝિટ પોલના આંકડાઓ પ્રમાણે દિલ્હીમાં ફરીવાર કેજરીવાલની આપ પાર્ટીની જીત સ્પષ્ટ રીતે દેખાઇ રહી છે. જ્યારે ભાજપ માટે સારા ન્યૂઝ આવી રહ્યાં છે. કારણકે ગત વિધાનસભા ચૂંટણીમાં પ્રાપ્ત થયેલી બેઠકો કરતા ગણતરીની સીટો વધુ મળી શકવાના એંધાણ એક્ઝિટ પોલમાં દેખાઇ રહ્યા છે.
શું કહે છે દિલ્હીના EXIT POLLS :
AAP
BJP
CONG
TIMES NOW
44
26
0
REPUBLIC TV - JAN KI BAAT
48-61
9-21
0-1
NETA-NEWSX
53-57
11-17
0-2
NEWSX-POLSTRAT
50-56
10-14
0
ABP-CVOTER
49-63
5-19
0-4
SUDARSHAN NEWS
42
26
2
TV9 Bharatvarsh - Cicero
53-57
11-17
0-2
INDIA TV
44
26
0
INDIA NEWS NATION
55
14
1
INDIA TODAY - AXIS MY INDIA
52-64
6-16
0-2
લોકસભાની સરખામણીએ ઓછું મતદાન
દિલ્હીમાં છેલ્લા ત્રણ- સાડા ત્રણ કલાકના વોટિંગ ટ્રેન્ડને જોઈને લોકસભા ચૂંટણી જોઈએ તો લોકસભા ચૂંટણીની સરખામણીએ ઓછી સંખ્યામાં વોટિંગ થયું છે. દિલ્હીમાં 11 વાગ્યા સુધીમાં 17.03 ટકા મતદાન રેકોર્ડ થયું છે. લોકસભા ચૂંટણીનો આંકડો લગભગ 21 ટકાનો હતો.
દિલ્હી વિધાનસભાની ચૂંટણી માટે 70 બેઠકો પર મતદાન યોજાયું હતું. સવારે 8 વાગ્યાથી 6 વાગ્યા સુધી યોજાયેલ મતદાનમાં દિલ્હીની સામાન્ય જનતાથી લઇને દિગ્ગજ નેતાઓએ મતદાન કર્યું હતું. આ વખતે વિધાનસભામાં 672 ઉમેદવારો નસીબ અજમાવી રહ્યા છે. દિલ્હીના 1,47,86,382 મતદાઓએ ઉમેદવારનું ભાવી નક્કી કર્યું છે. જેનું પરિણામ 11 ફેબ્રુઆરીએ આવશે.
11 ફેબ્રુઆરીએ મતગણતરી
દિલ્હી ખાતે આજરોજ યોજાયેલી વિધાનસભા ચૂંટણીનું મતદાન પૂર્ણ થયું છે અને 672 ઉમેદવારોના ભાવી EVM મશીના કેદ થયાં છે ત્યારે હવે આગામી 11 ફેબ્રુઆરીના રોજ ચૂંટણીનું પરિણામ જાહેર થશે.
લોકસભામાં મોદી અને વિધાનસભામાં કેજરીવાલ છે લોકોની પસંદ
દિલ્હીમાં ફરી એક વાર અરવિંદ કેજરીવાલના નેતૃત્વમાં સરકાર બની શકે છે. ટાઈમ્સ નાઉ-આઇપીએસઓએસના ઓપિનિયન પોલ અનુસાર આમ આદમી પાર્ટી (આપ) દિલ્હીમાં ખૂબ જ મજબૂત છે અને તેને આ વિધાનસભા ચૂંટણીમાં 54 થી 60 બેઠકો મળી શકે છે. બીજી તરફ ભાજપને 10-14 બેઠકોથી સંતોષ માનવો પડી શકે છે. ઓપિનિયન પોલમાં કોંગ્રેસને ફક્ત બે બેઠક મળવાની શક્યતા વ્યક્ત કરાઈ છે. ઉલ્લેખનીય છે કે દિલ્હીમાં વિધાનસભાની 70 બેઠકો છે. પોલ અનુસાર જો આજના દિવસે દિલ્હીમાં લોકસભા ચૂંટણી યોજાય તો ભાજપ તમામ સાત બેઠક જીતી શકે છે.