દિલ્હી વિધાનસભા / ભાજપે જાહેર કરી મહારથીઓની યાદી, AAPને અલવિદા કહીને આવેલા નેતાને થયો ફાયદો

• દિલ્હી વિધાનસભાના પડઘમ વાગ્યા
• ભાજપે જાહેર કરી ઉમેદવારોની પ્રથમ યાદી 
• 57 ઉમેદવારના નામ થયાં જાહેર 

ભાજપ દ્વારા જાહેર કરવામાં આવેલી યાદીમાં 11 અનુસૂચિત જાતિ (SC) ના ઉમેદવારોનો સમાવેશ થાય છે જ્યારે 4 મહિલાઓનો સમાવેશ થાય છે. પાર્ટીએ આદર્શ નગરમાંથી રાજકુમાર ભાટી, બાદલીથી વિજય ભગત, રિઠાલાથી મનીષ ચૌધરીને ટિકિટ આપવામાં આવી છે. જ્યારે બવાનાથી રવિન્દ્રકુમાર ઇંદ્રરાજ, મુંડકાથી માસ્ટર આઝાદ સિંહ ચૂંટણીના મેદાનમાં રહેશે.

બાકીના ઉમેદવારોને ટૂંક સમયમાં કરાશે જાહેરાત 

દિલ્હી ભાજપ અધ્યક્ષ મનોજ તિવારીએ પાર્ટીના મુખ્યાલયમાં આ યાદી જાહેર કરતાં કહ્યું કે બાકીની 13 બેઠકો માટે ટૂંક સમયમાં ઉમેદવારો જાહેર કરવામાં આવશે. ભાજપે મોડેલ ટાઉનમાંથી વિજેન્દ્ર ગુપ્તાને રોહિણી અને કપિલ મિશ્રાને આમ આદમી પાર્ટીમાંથી ઉમેદવાર બનાવ્યા છે. તેમણે કહ્યું કે ભાજપ આ વખતે દિલ્હીમાં સંપૂર્ણ બહુમતીવાળી સરકાર બનાવશે.

Kapil Mishra to contest from Model Town, Vijender Gupta to contest from Rohini, Rekha Gupta to contest from Shalimar Bagh, Suman Kumar Gupta to contest from Chandni Chowk https://t.co/oLkeHvEAu5

— ANI (@ANI) January 17, 2020

મનોજ તિવારીએ કરી નામની જાહેરાત 

ભાજપના પ્રદેશ અધ્યક્ષ મનોજ તિવારીએ યાદી જાહેર કરતા જણાવ્યું કે, ગુરૂવારે અમિત શાહની અધ્યક્ષતામાં યોજાયેલી કેન્દ્રીય ચૂંટણી સમિતિની બેઠકમાં 57 ઉમેદવારોના નામ પર નિર્ણય લીધો હતો. બેઠકમાં પ્રધાનમંત્રી નરેન્દ્ર મોદી, કાર્યકારી અધ્યક્ષ જેપી નડ્ડા, સંરક્ષણ મંત્રી રાજનાથ સિંહ પણ હાજર હતા. 

કેન્દ્ર સરકારના કાર્યોને ઘર-ઘર સુધી પહોંચાડીશું

મનોજ તિવારીએ કહ્યું કે, અમે લોકો કેન્દ્ર સરકાર દ્વારા કરવામાં આવેલ કામો દિલ્હીના ઘર-ઘર સુધી પહોંચાડીશું. પોઝિટીવ એજન્ડા હેઠળ અમે ચૂંટણી લડવાના છીએ. અમારી આ યાદી વિજેતાઓની યાદી છે.