દિલ્હી ચૂંટણી / વોટ માંગી રહેલા AAPના આ નેતાને યુવતીએ કર્યું પ્રપોઝ, પછી જે થયું એ તો...

• આમ આદમી પાર્ટીના ઉમેદવાર રાઘવ ચઢ્ઢા સમક્ષ મહિલાએ રાખ્યો લગ્નનો પ્રસ્તાવ
• ચઢ્ઢાને સોશિયલ મીડિયા પર મળી રહ્યા છે લગ્નના પ્રસ્તાવ
• ઇન્સ્ટાગ્રામ પર પણ ચઢ્ઢાને મહિલા પ્રશંસકો તરફથી ખૂબ જ સંદેશ મળી રહ્યા છે

ચાર્ટર્ડ એકાઉન્ટન્ટ 31 વર્ષીય ચઢ્ઢા સારો દેખાવ ધરાવે છે અને મૃદુભાષી છે. ચઢ્ઢાની ટીમનું માનીએ તો સોશિયલ મીડિયા પર ચૂંટણી ગતિવિધિઓેને લઇને તેમની સક્રિયતા વધવાની સાથે-સાથે લગ્નના પ્રસ્તાવોની સંખ્યા પણ વધી ગઇ છે. 

ગત 15 દિવસથી સોશિયલ મીડિયા પર 12 લોકોએ તેમના પક્ષમાં લગ્નનો પ્રસ્તાવ રાખ્યો છે. ચઢ્ઢાના સોશિયલ મીડિયા મેનેજરે જણાવ્યું, 'હાલમાં જ એક યુવતીએ તેઓને ટ્વિટર પર ટેગ કરીને લગ્નનો પ્રસ્તાવ રાખ્યો હતો. ચઢ્ઢાએ તેઓને જવાબ આપ્યો કે, હાલ અર્થવ્યવસ્થાની સ્થિતિ ઠીક નથી, એવામાં લગ્ન કરવા માટે આ યોગ્ય સમય નથી.

તેઓએ જણાવ્યું કે, ઇન્સ્ટાગ્રામ પર પણ ચઢ્ઢાને મહિલા પ્રશંસકો તરફથી ખૂબ જ સંદેશ મળી રહ્યા છે. તેઓએ જણાવ્યું, 'આખા દેશમાં મહિલાઓ તેમની ફેન છે. અમે સામાન્ય પણે તેમના આ સંદેશાઓનો જવાબ નથી આપતા, પરંતુ જો કોઇ મહિલા દિલ્હીની હોય તો અમે તેમને વોટ આપવા કહીએ છીએ.'

આમ આદમી પાર્ટીના ઉમેદવાર ચઢ્ઢાની ટીમના એક અન્ય સભ્યે જણાવ્યું કે, માત્ર સોશિયલ મીડિયા જ નહીં, સામાન્ય બેઠકો પર પણ તેમને આવા પ્રસ્તાવ મળી રહ્યા છે. તેઓ હાલમાં જ એક સ્કૂલમાં બેઠક માટે ગયા હતા, ત્યાની એક શિક્ષિકાએ કહ્યું, જો મારી દિકરી હોતી તો હું તેના લગ્ન આપની સાથે કરાવી દેતી.