દિલ્હી વિધાનસભાની 70 બેઠકો પર 672 ઉમેદવારો પોતાની કિસ્મત અજમાવવા મેદાને ઉતર્યા છે. દિલ્લી ઇલેક્શન વોચ દ્વારા જાહેર કરાયેલા રિપોર્ટમાં 133 ઉમેદવારો ગુનાહિત ઇતિહાસ ધરાવે છે. 243 ઉમેદવારો કરોડપતિ છે. 16 ઉમેદવારો સાવ અંગૂઠા છાપ છે.
133 ઉમેદવારો ધરાવે છે ગુનાહિત ઇતિહાસ
672 ઉમેદવારોમાંથી 243 ઉમેદવારો છે કરોડપતિ
16 ઉમેદવારો એવા છે જે બિલકુલ ભણેલા નથી
115 ઉમેદવારો 5થી 8 ધોરણ સુધી ભણેલા
ગુનાહિત ઈતિહાસ ધરાવતા ઉમેદાવારો
133 ઉમેદવારો ગુનાહિત ઇતિહાસ ધરાવે છે અને તેમા પણ 104 તો એવા છે જેમના પર હત્યા, અપહરણ, બળાત્કાર અને મહિલાઓ પર અત્યાચાર જેવા કેસ દાખલ છે.
કેટલા છે કરોડપતી?
672 ઉમેદવારોમાંથી 243 ઉમેદવારો કરોડપતિ છે. જેમની આવક એક કરોડથી વધારે છે. 105 ઉમેદવારોની સંપત્તિ 5 કરોડથી વધારે છે. જ્યારે 72 ઉમેદવારોની સંપત્તિ 2 કરોડથી 5 કરોડની વચ્ચે છે. કરોડપતિ ઉમેદવારોની સંખ્યામાં કોંગ્રેસના ઉમેદવાર સૌથી વધારે છે. આપ બીજા નંબર પર છે. અને ભાજપ ત્રીજા નંબર પર આવે છે.
અંગૂઠા છાપ ઉમેદવારો પણ મેદાને
તો રિપોર્ટમાં જણાવ્યું છે 115 ઉમેદવારો એવા છે કે જેઓ ધોરણ 5થી 8 સુધી ભણેલા છે. જ્યારે 16 ઉમેદવારો એવા છે જેઓ બિલકુલ ભણેલા નથી. 298 ઉમેદવારો ગ્રેજ્યુટ સુધી ભણેલા છે
કેટલી મહિલા ઉમેદવારો મેદાને?
કોંગ્રેસે સૌથી વધુ મહિલાઓને ટિકિટ આપી છે. કોંગ્રેસે 10 મહિલાઓને ટિકિટ આપી છે. AAPએ 9 મહિલા ઉમેદવારોને મેદાનમાં ઉતારી છે. તો વળી ભાજપે પણ 6 મહિલા ઉમેદવારોને ટિકિટ આપી છે.