કોરોનાની વચ્ચે દેશ પર આતંકવાદનો ખતરો પણ મંડરાઈ રહ્યો છે. ત્યારે એક તરફ મિત્ર પડોશી દેશો પણ સમસ્યા ઉભી કરી રહ્યા છે બીજી તરફ દેશમાં આતંકી અટેકના ષડયંત્ર પણ દુશ્મનો દ્વારા કરાઈ રહ્યા છે. ચિંતા ત્યારે વધી જ્યારે દિલ્હીમાંથી આઈએસઆઈએસના એક આતંકવાદીને સ્પેશિલ સેલે આઈઈડી સાથે ઝડપી પાડ્યો છે.
દિલ્હીના ધૌલાકુવામાંથી ઝડપાયો આતંકી
સ્પેશિયલ સેલે IED સાથે ISISના આતંકીને ઝડપ્યો
વધુ કેટલાક સંદિગ્ધોની પણ થઈ શકે છે ધરપકડ
दिल्ली: ISIS ऑपरेटिव से बरामद किए गए IEDs को सुरक्षा बलों ने रिज रोड के बुद्धा पार्क में डिफ्यूज किया। pic.twitter.com/LGNI5nIcbv
દિલ્હીમાંથી ISISનો આતંકી ઝડપાયો છે. દિલ્હીના ધૌલાકુવામાંથી આતંકી ઝડપાયો છે. સ્પેશિયલ સેલે IED સાથે ISISના આતંકીને ઝડપ્યો છે. પોલીસ વધુ કેટલાક વધુ કેટલાક સંદિગ્ધોની પણ ધરપકડ કરી શકે છે. ધૌલાકુવા પાસે એન્કાઉન્ટર ચાલી રહ્યું હતું. જેમાં આતંકવાદીએ પોલીસ પર ફાયરિંગ કર્યુ હતું આ બાદ પોલીસે તેને ઝડપી પાડ્યો હતો.
દિલ્હી પોલીસ સ્પેશિયલ સેલના ડીસીપી પ્રમોદ સિંહ કુશવાહે કહ્યું કે ધૌલાકુઆમાં દિલ્હી પોલીસના સ્પેશિયલ સેલ દ્વારા અથડામણ બાદ એક ISIS ઓપરેટિવની ધરપકડ કરવામાં આવી છે. તેમણે કહ્યું કે તેની પાસેથી વિસ્ફોટક પણ જપ્ત કરવામાં આવ્યું છે.
દિલ્લીના ધૌલાકુવામાંથી ISISનો એક આતંકી ઝડપાયો છે. સ્પેશિયલ સેલે IED સાથે ISISના આતંકી અબ્દુલ યુસુફને ઝડપી પાડ્યો છે. અબ્દુલની સાથે અન્ય એક આતંકી પણ હતો. ત્યારે પોલીસ સાથે અથડામણમાં એક આતંકી ફરાર થઇ ગયો છે. ઝડપાયેલો આતંકી અબ્દુલ યુસુફ ઉત્તરપ્રદેશના બલરામપુરનો રહેવાસી છે. હાલ પોલીસે આતંકીના ઘર પર પણ રેડ પાડી છે. જેને લઇ વધુ શંકાસ્પદોની ધરપકડ થઇ શકે છે. ત્યારે મળતી માહિતી મુજબ આતંકીઓ લોન વુલ્ફ એટેક કરવાનો પ્લાન કરી રહ્યા હતા. અને અનેક સ્થળો પર આતંકીઓએ રેકી પણ કરી હતી.
ઉલ્લેખનીય છે કે દિલ્હીમાં 15 ઓગસ્ટના રોજ આતંકવાદી હુમલાની ચેતવણી સુરક્ષાદળોએ જાહેર કરી હતી. એ બાદ દિલ્હી પોલીસ ઘણી સતર્ક થઈ ગઈ હતી. પોલીસની ગુપ્તચર એજન્સીની માહિતીના આધારે તાત્કાલીક કાર્યવાહી કરવામાં આવી અને એન્કાઉન્ટરમાં આતંકવાદીની ધરપકડ કરવામાં આવી છે. પોલીસ વધુ આતંકિઓની તપાસમાં લાગી છે.