આરોપ / મારા PA ને ED ઉઠાવી ગઈ- ઠગ સાથે કરી ડીલ...હારથી ડરી ગયું છે ભાજપ: સિસોદિયાના ગંભીર આક્ષેપ

• મનીષ સિસોદિયાના પીએની ધરપકડનો દાવો
• સિસોદિયાનો દાવો EDએ મારા પીએની ધરપકડ કરી
• ભાજપે કહ્યું કાયદો તેનુ કામ કરી રહ્યો છે

દિલ્હી એક્સાઇઝ પોલિસી કેસ મુદ્દે દિલ્હીના ડેપ્યુટી સીએમ મનીષ સિસોદિયાએ દાવો કર્યો છે કે તેમના પીએની ED દ્વારા ધરપકડ કરવામાં આવી છે. એક ટ્વિટમાં મનીષ સિસોદિયાએ કહ્યું કે, તેઓએ મારા ઘરે ખોટી એફઆઈઆર કરીને મારા ઘરે રેડ પડાવી. બેંક લોકરથી લઈ મારા ગામમાં તપાસ કરી પરંતુ મારી વિરુદ્ધ કંઈ મળ્યું નહીં. આજે તેઓએ મારા પીએના ઘરે રેડ પાડી. ત્યાં પણ કંઈ મળ્યું નહી અને મારા પીએને પણ તેમણે ધરપકડ કરી છે. તેમણે કહ્યું કે, ભાજપના લોકો! ચૂંટણીમાં હારનો આટલો ડર છે

इन्होंने झूठी FIR कर मेरे घर रेड करवाई, बैंक लॉकर तलाश लिए, मेरे गाँव में जाँच कर ली लेकिन मेरे ख़िलाफ़ कहीं कुछ नहीं मिला
आज इन्होंने मेरे PA के घर पर ईडी की रेड करी वहाँ भी कुछ नहीं मिला तो अब उसको गिरफ़्तार कर के ले गये है.

भाजपा वालो! चुनाव में हार का इतना डर..

— Manish Sisodia (@msisodia) November 5, 2022

મનીષ સિસોદિયા પર વિપક્ષના પ્રહાર 
ભાજપે કહ્યું કે કાયદો તેનું કામ કરી રહ્યો છે. આ સાથે કોંગ્રેસ પ્રવક્તા અલકા લાંબાએ પણ મનીષ સિસોદિયા પર પ્રહારો કરતા કહ્યું છે કે તપાસ એજન્સી પોતાનું કામ કરી રહી છે. તમને જણાવી દઈએ કે દિલ્હી સરકારની નવી આબકારી નીતિમાં કથિત કૌભાંડને લઈને ED દ્વારા સતત રેડ પાડવામાં આવી રહી છે.

"ઠગ સાથે ભાજપે ડીલ કરી"
અગાઉ ડેપ્યુટી સીએમ મનીષ સિસોદિયાએ તિહાડ જેલમાં બંધ ઠગ સુકેશ ચંદ્રશેખર વતી દિલ્હીના એલજી વિનય સક્સેનાને પત્ર લખવાના મામલે પોતાની પ્રતિક્રિયા આપી હતી. તેમણે ટ્વીટ કર્યું, "MCD અને ગુજરાતમાં ભયાનક હારના ડરથી ભાજપે તિહાડમાં બંધ એક ઠગ સાથે ડીલ કરી છે. તેમણે કહ્યું કે, તે રોજેરોજ અરવિંદ કેજરીવાલ પર ખોટા આરોપો લગાવશે અને બદલામાં ભાજપ તેને કેસમાં તેની મદદ કરશે. તેમણે જણાવ્યું કે, મેં સાંભળ્યું છે કે જેપી નડ્ડા તેમને આવતા અઠવાડિયે ભાજપમાં જોડશે. સુકેશે આરોપ લગાવ્યો છે કે પત્ર સાર્વજનિક હોવાને કારણે જેલના ડીજી અને મંત્રી સત્યેન્દ્ર જૈન તેને સતત ધમકી આપી રહ્યા છે.