દિલ્હીમાં દરિયાગંજ વિસ્તારમાં દિલ્હી પોલીસે માસ્ક વિના ફરી રહેલાં પતિ-પત્નીને રોક્યા તો તેમણે રોડ પર ભારે બબાલ કરી.
કોરોના વાયરસના કેસ દિલ્હીમાં દિવસેને દિવસે વધતા જઈ રહ્યાં છે. કેટલાંક લોકો નિયમોનું પાલન કરી રહ્યાં છે તો કેટલાંક નિયમોના ધજાગરા ઉડાવી રહ્યાં છે. રવિવારે દરિયાગંજ વિસ્તારમાં દિલ્હી પોલીસે માસ્ક વિના ફરતા કપલને રોક્યા તો તેમણે રસ્તા વચ્ચે ભારે બબાલ કરી હતી. જેના પગલે પોલીસે દંપતિ પર કોવિડ નિયમોના ઉલ્લંઘન અને વીકેન્ડ લૉકડાઉનના નિયમને તોડવાના આરોપમાં કેસ પણ દાખલ કર્યો છે.
વાયરલ થઈ રહેલા વીડિયો પર IAS અધિકારી અવનીષ શરણ (IAS Officer Awanish Sharan)એ પણ પ્રતિક્રિયા આપી છે.
વાયરલ વીડિયોમાં મહિલા અને તેનો પતિ પોલીસકર્મી સાથે ગેરવર્તણૂક કરતા નજરે આવી રહ્યાં છે. પોલીસનું કહેવું છે કે દંપતિ પાસે કર્ફ્યૂ પાસ પણ ન હતો. પોલીસકર્મીઓએ જ્યારે તેમને રોક્યા તો ગાડી કાચ ખોલીને મહિલાએ કહ્યું "હું મારા પતિને કિસ કરીશું તો શું તમે મને રોકશો?"
UPSC मेंस क्लीयर कर चुकी हैं मैडम. Duty पर पुलिस से बदतमीज़ी की क्या सज़ा होती है, कृपया इनको क़ायदे से समझाया जाए. pic.twitter.com/frSyPedlVB
આ સંપૂર્ણ ઘટનાનો વીડિયો મોબાઈલમાં કેદ કરવામાં આવ્યો છે. તેનો પતિ પણ સામે બૂમો પાડતો દેખાય છે ને કહે છે કે તમે મારી કાર કેવી રીતે રોકી, હું મારી પત્ની સાથે છું.
IAS અધિકારી અવનિશ શરણે વીડિયો શૅર કરતા કૅપ્શનમાં લખ્યું કે : 'UPSC मेंस क्लीयर कर चुकी हैं मैडम. Duty पर पुलिस से बदतमीज़ी की क्या सज़ा होती है, कृपया इनको क़ायदे से समझाया जाए.'