Trailer / ફરી આવી રહી છે દિલ્હી ક્રાઇમ, ટ્રેલર થયું લોન્ચ, આ વખતે જોવા મળશે ચડ્ડી બનયાન ગેંગનો આતંક

• 'દિલ્હી ક્રાઇમ'ની સીઝન 1 દર્શકોને ખુબ જ પસંદ આવી હતી
• બીજી સિઝનમાં પણ પોલીસ કોઈ સિરિયલ કીલરની તલાશ કરતી નજર આવી 
• બીજી સિઝન 26 ઓગસ્ટના રોજ નેટફલિકસ પર સ્ટ્રીમ થશે

નેટફલિકસનો સૌથી પોપ્યુલર શો 'દિલ્હી ક્રાઇમ'ની સીઝન 1 માં નિર્ભયા ગેંગ રેપ સાથે જોડાયેલ કહાની દર્શાવવામાં આવી હતી. એ સીઝન દર્શકોને ખુબ જ પસંદ આવી હતી. હાલ આ ટીમ ફરી એક વખત નવી કહાની લઈને પરત આવી રહ્યા છે. દિલ્હી ક્રાઈમ સીઝન 2 નું ટ્રેલર રીલીઝ થઇ ગયું છે. 

સીઝન 2 ને કહાનીમાં એક ગેંગ છે જે ઘરડા લોકોની ક્રૂર રીતે હત્યા કરતી હોય છે અને ટ્રેલરની શરૂઆત ત્યાંથી જ થાય છે. શેફાલી શાહ ડીસીપી 'વર્તીકા ચતુર્વેદી'ના તેના કિરદાર માં ફરી એક વખત નજર આવશે. થ્રીલર સિરીઝ 'દિલ્હી ક્રાઇમ' ની બીજી સિઝનમાં શેફાલી શાહ, રસિકા દુગલ અને રાજેશ તૈલંગ નજર આવશે અને આ સાથે જ બીજા ઘણા નવા ચહેરા નજર આવશે. 'દિલ્હી ક્રાઇમ' ની બીજી સિઝનમાં પણ પોલીસ કોઈ સિરિયલ કીલરની તલાશ કરતી નજર આવશે. 

 

 

 

 

View this post on Instagram

 

 

 

 

 

 

 

 

 

 

 

A post shared by Shefali Shah (@shefalishahofficial)

થોડા દીવસ પહેલાં જ આ સીઝનનું નાનું એવી ટીઝર બહાર પાડવામાં આવ્યું  હતું. 56 સેકન્ડનું એ ટીઝરની લોકોને ઘણું પસંદ આવ્યું  હતું. હાલ મેકર્સે આ સીરીઝનું ટ્રેલર બહાર પાડ્યું છે જે લોકોને ખુબ જ પસંદ આવી રહ્યું છે.  આ ટ્રેલરમાં જોવા મળે છે કે ઘરડાઓની હત્યા કરતી ગેંગનું નામ છે કચ્છા બનીયાન ગેંગ. સાથે જ આ કહાનીમાં એ એ ટ્વીસ્ટ છે કે આ ગેંગના દરેક સદસ્યો દિલ્હીની નાની ગલીઓમાંથી આવે છે અને મોટા ઘરમાં કામવાળા, ડ્રાઈવર અને કૂક જેવી નોકરી કરી રહ્યા હોય છે. 

તમને જણાવી દઈએ કે થ્રીલર સિરીઝ 'દિલ્હી ક્રાઇમ' ની બીજી સિઝન 26 ઓગસ્ટના રોજ નેટફલિકસ પર સ્ટ્રીમ થશે. આ પહેલા વર્ષ 2012માં થ્રીલર સિરીઝ 'દિલ્હી ક્રાઇમ' ની પહેલી સિઝન આવી હતી જે દિલ્હી ગેંગરેપ અને દિલ્હી પોલીસની જાંચ પર આધારિત હતી.