BIG NEWS / ઈંન્સ્ટંટ લોન એપ્સ દ્વારા છેતરપીંડી કરી ભારતીયોના રૂપિયા અને ડેટા ચાઈનામાં મોકલતા 22 આરોપીઓની ધરપકડ

• દિલ્હી પોલીસે મોટા રેકેટનો ભાંડાફોડ કર્યો
• બે મહિનાના ઓપરેશન બાદ મળી મોટી સફળતા
• ઈંન્સ્ટંટ લોન દ્વારા લોકોના ડેટા ચીન મોકલતા હતા

દિલ્હી પોલીસે આજે એક ઈન્સ્ટંટ લોન અરજી અને બળજબરીપૂર્વક વસૂલીના રેકેટનો ભાંડાફોડ કર્યો છે. કહેવાય છે કે, તેના માધ્યમથી લોકોના ડેટાને ચીન અને હોંગકોંગમાં રહેલા સર્વર પર અપલોડ કરવામાં આવી રહ્યા હતા. દિલ્હી પોલીસના જણાવ્યા અનુસાર તેમાં ચીની નાગરિકો પણ સામેલ છે. ડીસીપી કેપીએસ મલ્હોત્રાએ જણાવ્યું હતું કે, ક્રિપ્ટોકરન્સી દ્વારા પૈસા મોકલવામાં આવી રહ્યા હતા. આ મામલામાં દિલ્હી પોલીસે 22 આરોપીઓની ધરપકડ કરી છે.

પોલીસે આ ગ્રુપને પકડવા માટે દિલ્હી, હરિયાણા, કર્ણાટક, મહારાષ્ટ્ર, યુપી અને બિહારમાં બે મહિનાના લાંબા ઓપરેશન બાદ દરોડા પાડ્યા હતા. ડીસીપી કેપીએસ મલ્હોત્રાએ કહ્યું કે, હવે આ ક્રમમાં કાર્યવાહી બાદથી આવા કોલ સેન્ટરોને પાકિસ્તાન, નેપાળ અને બાંગ્લાદેશમાં શિફ્ટ કરવાનું એક નવું ચલણ જોવા મળ્યું છે. 

9 લેપટોપ, 25 હાર્ડ ડિસ્ક, 51 મોબાઈલ, 19 ડેબિટ કાર્ડ જપ્ત

દિલ્હી પોલીસની પૂછપરછમાં ધરપકડ થયેલા આરોપીઓએ જણાવ્યું હતું કે, આ લોકો ચીની નાગરિકોના ઈશારા પર કામ કરી રહ્યા હતા. હાલમાં આગળની તપાસ ચાલી રહી છે. તો વળી તેમની પાસેથી 9 લેપટોપ, 25 હાર્ડ ડિસ્ક, 51 મોબાઈલ ફોન, 19 ડેબિટ કાર્ડ જપ્ત કરવામાં આવ્યા છે. 

Delhi police today busted an Instant Loan application & Extortion racket which uploaded data to servers based in China, Hongkong. Involvement of Chinese nationals has been identified. Money being routed to China through Cryptocurrencies: DCP KPS Malhotra (1/3) pic.twitter.com/emIqSCCDI3

— ANI (@ANI) August 20, 2022

ક્રિપ્ટોકરન્સી દ્વારા ચીન જઈ રહ્યા હતા પૈસા

દિલ્હી પોલીસના જણાવ્યા અનુસાર, આઈએફએસઓએ એક ટેક્નિકલ એનાલિસિસ કર્યું, જેમાં તેમણે લોન અને વસૂલીના રેકેટના નિવારણમાં મદદ મળી. તપાસમાં એ સામે આવ્યું છે કે, આ તમામ એપ્સ યુઝર્સ પાસેથી ખોટા એક્સેસ માગી રહ્યા હતા અને અનુમતિ મળ્યા બાદ યુઝર્સના કોન્ટેક્ટ, ચેટ, મેસેજ અને ફોટાઓ ચીન અને હોંગકોંગમાં રહેલા સર્વર પર અપલોડ કરવામાં આવતા હતા. મની રુટની તપાસમાં એવું પણ સામે આવ્યું છે કે, હવાલા અને ક્રિપ્ટોકરન્સી દ્વારા પૈસા ચીન મોકલવામાં આવ્યા હતા. 

બે મહિના ચાલ્યું ઓપરેશન

આ ઉપરાંત આ 100થી વધારે એપને AWS સર્વર અને અલી બાબ સર્વરથી હોસ્ટ કરવામાં આવી રહ્યું હતું. જે ભારતમાં હોસ્ટ કરવામાં આવ્યા હતા. IFSOએ બે મહિનાના સુધી ઓપરેશન ચલાવ્યું , જે બાદ દિલ્હી, હરિયાણા, કર્ણાટક, મહારાષ્ટ્ર, ઉત્તર પ્રદેશ અને બિહારમાં કેટલાય દરોડા પાડ્યા હતા. પોલીસે આ મામલે છ ચીની નાગરિકો લિંડા, અકીરા, જોયા, કોબે બ્રાયંટ, લુઓ રોંગ અને જિક્સિયા ઝાંગ સહિત 22 આરોપીઓની ધરપકડ કરી છે. 

આ એપ્સ દ્વારા ચાલતો હતો ખેલ

પોલીસે આ મામલામાં સામેલ મોબાઈલ એપ્સના નામની યાદી બનાવી છે. જેમાં કૈશ એપ, પીપી મની એપ, રૂપયે માસ્ટર એપ, કૈશ રે એપ, મોબીપોકેટ એપ, પાપા મની એપ, ઈન્ફિનિટી કૈશ એપ, ક્રેડિટ મેંગો એપ, ક્રેડિટ માર્વલ એપ, સીબી લોન એપ, કૈશ એડવાંસ એપ, એચડીબી લોન એપ, કૈશ ટ્રી એપ, રો લોન એપ, મિનટ કૈશ એપ, કૈશ લાઈટ એપ, કૈશ ફિશ એપ, એચડી ક્રેડિટ એપ, રૂપિયે લેંડ એપ, કૈશ રૂમ એપ, રૂપયા લોન એપ અને વેલ ક્રેડિટ એપ સામેલ છે.