એલાન / સદર બજાર મારપીટ મામલે AAPના ધારાસભ્ય સોમદત્તને કોર્ટે 6 મહીનાની સજા ફટકારી

ઉલ્લેખનીય છે કે ગત સૂનાવણીમાં કોર્ટે આપના ધારાસભ્ય સોમદત્તને દોષી કરાર કર્યા હતા. કોર્ટે સોમદત્તને ગંભીર ઇજા પહોંચાડવામાં દોષી ઠેરાવ્યા હતા. દોષી ધારાસભ્યની સજા પર કોર્ટે આજરોજ દલીલ સાંભળીને 6 મહીનાની સજા ફટકારી છે.

કોર્ટે આ અંગે જણાવ્યું હતું કે ફરિયાદકર્તા સંજીવ રાણાના પુરાવા ભરોસાલાયક તેમજ ગેરવિરોધાભાસી છે. તેમની પાસે સોમદત્તને ફસાવવા માટે કોઇ કારણ નથી. સંજીવ રાણાએ પોલીસમાં ફરિયાદ કરતાં કહ્યું હતું કે તેઓ પોતાના ફલેટમાં હતા, ત્યારે સોમદત્ત અંદાજે 50થી 60 લોકો સાથે તેમના ઘરે પહોંચ્યા હતા.

સંજીવ રાણાએ જ્યારે વારંવાર બેલ વગાડવાનો વિરોધ કર્યો હતો. આ વાતથી નારાજ આપના ધારાસભ્ય સોમદત્તે તેને બેઝબોલના બેટથી મારવાનું શરૂ કર્યું હતું. જો કે બીજી તરફ આપના ધારાસભ્યએ રાજકીય ગિન્નાખોરીના કારણે આ કેસ દાખલ કરવામાં આવ્યો હોવાનો આરોપ લગાવ્યો હતો.

સંજીવ રાણા ભાજપનો સભ્ય છે અને તે તેની ઉમેદવારી પાછી ખેંચવા ઇચ્છતો હતો તેમ જણાવ્યું હતું. જો કે સંજીવ રાણાએ તેના જવાબમાં કહ્યું હતું કે તેઓ કોઇ પણ રાજકીય પક્ષ સાથે જોડાયેલ નથી.