દિલ્હીમાં હાલમાં હોમ આઇસોલેશનમાં 11,367 દર્દીઓ છે અને કોરોના પોઝિટિવિટી 4.57 ટકા છે.
દિલ્હીમાં 24 કલાકમાં આવ્યા 7437 કેસ
19 નવેમ્બર પછી એક દિવસ પછી સૌથી વધુ કેસ
દિલ્હીમાં કુલ 1,52,57,183 સેમ્પલ ટેસ્ટ થયા છે
દિલ્હીમાં કોરોના કેસોમાં છેલ્લા કેટલાક દિવસોથી મોટોઉછાળો જોવા મળી રહ્યો છે. દેશના પાટનગરમાં છેલ્લા 24 કલાકમાં 7437 નવા કેસ નોંધાયા છે, જ્યારે કોરોના સંક્રમણને કારણે 24 દર્દીઓનાં મોત નીપજ્યાં છે. 19 નવેમ્બર પછી, આ એક દિવસમાં સૌથી વધુ નવા કેસ છે. 19 નવેમ્બરના રોજ દિલ્હીમાં 7546 નવા કેસ નોંધાયા હતા. પોઝિટીવીટી રેટ 8% થી વધી ગયો છે.
દિલ્હીના કેસમાં 26 ટકાનો ઉછાળો નોંધાયો છે
મહત્વનું છે કે બુધવારથી દિલ્હીમાં કેસોમાં 26% નો ઉછાળો જોવા મળ્યો છે.દિલ્હીમાં છેલ્લા 24 કલાકમાં 91770 પરીક્ષણો કરવામાં આવ્યા છે.હવે સુધીમાં, દિલ્હીમાં કુલ 1,52,57,183 પરીક્ષણો થયા છે. પોઝિટિવિટી રેટ હવે 8.10% છે.
આની સાથે જ મુંબઈમાં પણ આજે 8938 જેટલા કેસ સામે આવ્યા હતા અને 23 દર્દીઓના મોત થયા હતા. અહી આજે 4503 જેટલા દર્દીઓ ડિસ્ચાર્જ થયા હતા અને હાલમાં કેસની સંખ્યા વધીને 4,91,698 જેટલી થઈ ગઈ છે.
છેલ્લા 24 કલાકમાં 3687 દર્દીઓ સાજા થયા
દિલ્હીમાં છેલ્લા 24 કલાકમાં કોરોનાના 3687 દર્દીઓ સાજા થયા છે જ્યારે છેલ્લા 24 કલાકમાં કોરોના સંક્રમણને કારણે 24 લોકોએ જીવ ગુમાવ્યો છે હાલમાં દિલ્હીની હોસ્પિટલોમાં કુલ પથારીની સંખ્યા 8813 છે જેમાંથી 4212 દર્દીઓ દાખલ થયેલા છે અને હાલમાં 4601 બેડ ખાલી છે. હાલમાં દિલ્હીમાં હોમ આઈસોલેશનમાં 11, 367 દર્દીઓ છે. દિલ્હીમાં અત્યાર સુધીમાં 11,157 લોકો મોત પામ્યા છે આ સમયે સક્રિય કેસની સંખ્યા 23,181 પર પહોંચી ગઈ છે.
છેલ્લા 24 કલાકમાં દેશમાં 1.25 લાખથી વધુ નવા કેસ
નોંધપાત્ર વાત એ છે કે એક સમયે દિલ્હીમાં નવા કોરોના કેસની સંખ્યામાં નોંધપાત્ર ઘટાડો થયો હતો, પરંતુ હવે આ કેસોમાં મોટો ઉછાળો જોવા મળી રહ્યો છે માત્ર દિલ્હીમાં જ નહીં, સમગ્ર ભારતમાં કોરોના વાયરસની બીજી લહેર વધુ જોખમી દેખાઈ રહી છે. છેલ્લા 24 કલાકમાં દેશમાં 1.25 લાખથી વધુ નવા કેસ સામે આવ્યા છે. એક જ દિવસમાં 1,26,789 નવા કોરોના કેસ નોંધાયા છે, જ્યારે આ સમયગાળા દરમિયાન કોરોનાથી 685 લોકોએ પોતાનો જીવ ગુમાવ્યો છે. અત્યાર સુધીમાં, કોરોના દર્દીઓની કુલ સંખ્યા વધીને 1,29,28,574 થઈ છે. તે જ સમયે, મૃત્યુના કિસ્સામાં, આ વાયરસને કારણે અત્યાર સુધીમાં 1,66,862 લોકોનાં મોત નીપજ્યાં છે.