Coronavirus / 3 દિવસમાં 44, 10 દિવસમાં 400થી વધુ મોત, કોરોનાના કેસમાં અહીં ગુજરાતને પણ પાછળ છોડી વુહાન જેવો ટ્રેન્ડ

દિલ્હીમાં કેસ તામિલનાડુથી ઓછા, મોત વધારે

શુક્રવારના રોજ રાજધાનમાં 1,330 નવા કેસ સામે આવ્યાં. હવે દિલ્હીમાં કોરોના વાયરસના કુલ 26,334 કેસ નોંધાયાં છે. મહારાષ્ટ્રમાં 80, 229 અને તામિલનાડુમાં 28,694  પછી સૌથી વધારે કરોના કેસ દિલ્હીમાં છે. મરનાર આંકડાઓ પર નજર નાંખીએ તો મહારાષ્ટ્રમાં 2,849 અને ગુજરાતમાં 1,190 પછી દિલ્હીમાં 708 નો નંબર આવે છે. તામિલનાડુમાં દેશના બીજા સૌથી વધારે કેસ છે પરંતુ ત્યાં પણ મૃત્યુ-દર ઓછો છે. દક્ષિણના આ રાજ્યમાં અત્યાર સુધી કોરોનાથી 232 લોકોનાં મોત થયા છે. 

છેલ્લા કેટલાંક દિવસોમાં કેવી રીતે બગડી પરિસ્થિતિ

દિલ્હીના ડોક્ટર્સનું કહેવું છે કે અહીંની પરિસ્થિતિ છેલ્લાં કેટલાંક દિવસોમાં જ બગડી છે. મેક્સ સાકેતના ડો. રૉમેલ ટિક્કૂએ કહ્યું કે છેલ્લા એક અઠવાડિયામાં કોવિડ-19ના લક્ષણોની સાથે હોસ્પિટલ આવનારા દર્દીઓની સંખ્યા વધી છે. જેમાં પોઝિટિવિટી રેટ પણ વધારે છે. કોવિડ હોસ્પિટલમાં તૈનાત એક ડોકટરે કહ્યું કે કેસ વધી રહ્યાં છે તે દર્શાવે છે કે બિમારીનું ટ્રાંસમિશન વધુ ઝડપથી મલ્ટીપલ ક્લસ્ટર્સમાં થઇ રહ્યું છે. જો કે આ ડોકટરે જણાવ્યું કે વધારે દર્દીઓ એસિમ્પ્ટોમેટિક છે અથવા થોડા લક્ષણવાળા છે જેઓને દાખલ કરવાની જરૂરિયાત નથી. 

ઘણા ઓછા દર્દીઓ હોસ્પિટલમાં દાખલ

સરકારના તાજા આંકડા મુજબ દિલ્હીમાં કોવિડ-19ના 15,311 એક્ટિવ કેસ છે. જેમાં માત્ર 3,899 (25 ટકા) હોસ્પિટલમાં દાખલ છે. કુલ 2 ટકા દર્દી એવા છે જેઓને ICU  અથવા વેંટિલેટરની જરૂરિયાત પડી રહી છે. ડોક્ટરના કહેવા મુજબ ગંભીર લક્ષણ સૌથી વધારે મોટી ઉંમરના દર્દીઓમાં જોવા મળી રહ્યાં છે, જેઓને પહેલાંથી જ બીજી બિમારી છે. તેઓને મુશ્કેલી થવાની વધારે શક્યાત છે અને તેમાં મૃત્યું-દર પણ વધારે છે. 

ટેસ્ટિંગ સુવિધાઓ પર્યાપ્ત માત્રામાં નથી

દિલ્હી મેડિકલ એસોસિએશનના કોવિડ ટાસ્ક ફોર્સના કોઑર્ડિનેટર ડો. હરિશ ગુપ્તાએ કહ્યું કે તેઓ સામે ટેસ્ટિંગ સુવિધાઓની ઉણપ એક સમસ્યા છે. ડો. ગુપ્તાએ જણાવ્યું કે ઘણી સારી લેબ પ્રિસ્ક્રિપ્શન હોવા છતાં ટેસ્ટ કરવાની ના પાડી રહી છે. દિલ્હી સરકાર ઘણી લેબ સામે આવી ફરિયાદોને લઇને તપાસ પણ કરી ચૂકી છે.