Coronavirus / દિલ્હીમાં 24 કલાકમાં અત્યાર સુધીના સૌથી વધુ કેસ, લૉકડાઉન 4 પછીના આંકડા ચોંકાવનારા

• દેશની રાજધાની દિલ્હીમાં કોરોનાએ રેકોર્ડ વધારો
• દિલ્હીમાં ગત 24 કલાકમાં 1024 નવા કેસ સામે આવ્યા
• દિલ્હીમાં કોરોના વાયરસના કુલ 16,281 કેસ

ગત 24 કલાકમાં 13 લોકોના મોત થયા છે. દિલ્હીમાં અત્યાર સુધીમાં કોરોના વાયરસથી કુલ 316 લોકોના મોત થયા છે. અહીં કોરોના વાયરસના એક્ટિવ દર્દીઓની સંખ્યા 8470 છે. ગત 24 કલાકમાં 231 દર્દીઓ સાજા થયા છે. દિલ્હીમાં અત્યાર સુધીમાં 7495 દર્દીઓ સારવાર બાદ સ્વસ્થ થયા છે. બીજી તરફ દિલ્હી પોલીસમાં પણ કોરોના વાયરસના કેસ સતત વધતા જઇ રહ્યા છે. સરિતા વિહારના એસીપી કોરોના વાયરસ પોઝિટિવ આવ્યા છે. તેમના સંપર્કમાં કોણ-કોણ આવ્યા છે તેની તપાસ ચાલી રહી છે. 

બુધવારે દિલ્હીમાં કોરોનાના 792 નવા કેસ નોંધાયા હતા અને 15 લોકોનાં મોત નીપજ્યાં હતાં. તમને જણાવી દઇએ કે દિલ્હીમાં લોકડાઉન 4.0. માં છૂટછાટ બાદથી કોરોના કેસોમાં સતત વધારો થવાનું શરૂ થયું છે. આવી સ્થિતિમાં, આ દિલ્હી સરકાર માટે ચિંતાનો વિષય બની શકે છે. લોકડાઉન 4ની શરૂઆતથી અત્યાર સુધીમાં દિલ્હીમાં લગભગ 6500 કેસ સામે આવ્યાં છે. 

• 18 May - 299

• 19 May - 500

• 20 May - 534

• 21 May - 571

• 22 May - 660

• 23 May - 591

• 24 May - 508

• 25 May - 635

• 26 May - 412

• 27 May - 792

• 28 May- 1024

હાલમાં જ દિલ્હીના મુખ્યમંત્રી અરવિંદ કેજરીવાલે કહ્યું હતું કે દિલ્હીમાં કેસ વધી રહ્યા છે, પરંતુ ગભરાવાનું કોઈ જરૂર નથી. દિલ્હીમાં જે નવા કેસો સામે આવી રહ્યા છે તેમાંના મોટાભાગના લોકોમાં કોરોનાનાં લક્ષણો નથી અથવા તો ઘણાં ઓછાં છે.

દેશમાં 1 લાખ 60 હજાર દર્દીઓ છે

દેશમાં કોરોના કેસ 1 લાખ 59 હજારની નજીક પહોંચી ગયા છે. મે મહિનો સમાપ્ત થવાનો છે અને જૂનમાં કોરોના તેના શિખરે પહોંચે તેવી સંભાવના છે. જે રીતે દરરોજ કેસ વધી રહ્યા છે તે જોતા આ આશંકા સાચી સાબિત થાય તેવી શક્યતા છે. સૌથી મોટો પડકાર મુંબઈ અને દિલ્હી માટે છે.