દિલ્હી એમ્સે એક વાર ફરી ઓપીડી બંધ કરવાનો નિર્ણય લીધો છે.
દિલ્હી એમ્સમાં એક વાર ફરી ઓપીડી બંધ
ફક્ત રજિસ્ટ્રેશન વાળા દર્દીઓને જ એમ્સમાં એન્ટ્રી મળશે
4 અઠવાડિયા સુધી ઓપીડી બંધ રાખવાનો નિર્દેશ
દિલ્હી એમ્સમાં એક વાર ફરી ઓપીડી બંધ
દેશમાં કોરોનાની સ્પીડ વધી રહી છે. તેવામાં દિલ્હીના વધતા કેસને જોતા દિલ્હી એમ્સે એક વાર ફરી ઓપીડી બંધ કરવાનો નિર્ણય લીધો છે. દિલ્હી એમ્સની ઓપીડીને કાલ(ગુરુવાર)થી બંધ કરી દેવામાં આવશે. હવે ફક્ત ઓનલાઈન રજિસ્ટ્રેશન કરી શકાશે. ઓનલાઈન રજિસ્ટ્રેશન બાદ જ દર્દી એમ્સમાં ડોક્ટરને બતાવી શકશે.
ફક્ત રજિસ્ટ્રેશન વાળા દર્દીઓને જ એમ્સમાં એન્ટ્રી મળશે
ઉલ્લેખનીય છે કે ફક્ત રજિસ્ટ્રેશન વાળા દર્દીઓને જ એમ્સમાં એન્ટ્રી મળશે. એટલું જ નહીં ઓનલાઈન રજીસ્ટ્રેશનની પણ સમય સીમા નક્કી કરવામાં આવી છે. દરેક વિભાગમાં પ્રતિદિન વધારેમાં વધારે 50 રજિસ્ટ્રેશન થશે.
4 અઠવાડિયા સુધી ઓપીડી બંધ રાખવાનો નિર્દેશ
એટલે કે દરેક વિભાગ પ્રતિદિન રજિસ્ટ્રેશનની સીમા નક્કી કરશે અને રજિસ્ટ્રેશન કરાવી ચૂકેલા દર્દીઓને એમ્સમાં બોલાવવામાં આવશે. એમ્સ તરફથી કહેવામાં આવ્યું છે કે ગુરુવારે ઓપીડી બંધ કરવામાં આવશે. જાણકારી મુજબ આવનારા 4 અઠવાડિયા સુધી ઓપીડી બંધ રાખવાનો નિર્દેશ જારી કરવામાં આવ્યો છે. પરિસ્થિતિને જોયા બાદ આગળનો નિર્ણય લેવામાં આવશે.
દિલ્હીમાં નાઈટ કર્ફ્યૂ
ઉલ્લેખનીય છે કે દિલ્હીમાં બુધવારે 5100 નવા કેસ સામે આવ્યા છે અને 17ના મોત થયા હતા. રાજ્યમાં અત્યાર સુધી કુલ 685062 કેસ નોંધાયા છે. 11113 મોત થયા છે. જેને પગલે દિલ્હીમાં સરકારે 30 એપ્રિલથી રાતના 10 વાગ્યાથી સવારના 5 વાગ્યા સુધી નાઈટ કર્ફ્યૂનું એલાન કર્યુ છે.
નાઈટ કર્ફ્યૂ દરમિયાન રાશન, કરિયાણુ, ફળ, શાકભાજી, દૂધ અને દવા સાથે જોડાયેલા દૂકાનદારોને ઈ પાસના માધ્યમથી જ અવર જવર કરવાની છુટ આપવામાં આવી છે. પ્રિન્ટ અને ઈલેક્ટ્રોનિક્સ મીડિયાને પણ ઈ પાસના માધ્યમથી જ અવર જવર કરવાની છુટ છે. તેમજ મેડિકલ સાથે જોડાયેલા લોકોને છુટ આપવામાં આવી છે.