દિલ્હીમાં કાર ચોરી કર્યાનો એક મામલો સામે આવ્યો છે. જેનાં વિશે જાણીને કોઇ પણ ચોંકી જાય તેમ છે. હકીકતમાં દિલ્હીમાં હાલનાં દિવસોમાં ચોરોની એક ગેંગ સક્રિય છે. જે ક્રેનથી ધોળેદહાડે ખુલ્લેઆમ કારોને ટોઇંગ કરીને લઇ જાય છે અને ત્યાર બાદ ચોરીની અનેક કારોને મેરઠ અને ગાજિયાબાદનાં કબાડીઓને વેચી દેતા હતાં, જેને કબાડી કાપીને પછી તેનાં પાર્ટ્સ વેચતા હતાં.
ડ્યૂટી પર તૈનાત ટ્રાફિક પોલીસકર્મીઓએ જ્યારે ક્રેનથી ઘસેડીને લઇ જતી કારને જોઇ તો તેમને શંકા થઇ. જેનાં પર પોલીસે ક્રેનમાં સવાર લોકો સાથે પૂછપરછ કરી. આ પૂછપરછમાં ચોરીનો ખુલાસો થયા બાદ પોલીસે ક્રેનમાં સવાર ત્રણ લોકોની ધરપકડ પણ કરી લીધી.
દિલ્હીમાં કાર ચોરી કર્યાનો એક મામલો સામે આવ્યો છે. જેનાં વિશે જાણીને કોઇ પણ ચોંકી જાય તેમ છે. હકીકતમાં દિલ્હીમાં હાલનાં દિવસોમાં ચોરોની એક ગેંગ સક્રિય છે. જે ક્રેનથી ધોળેદહાડે ખુલ્લેઆમ કારોને ટોઇંગ કરીને લઇ જાય છે અને ત્યાર બાદ ચોરીની અનેક કારોને મેરઠ અને ગાજિયાબાદનાં કબાડીઓને વેચી દેતા હતાં, જેને કબાડી કાપીને પછી તેનાં પાર્ટ્સ વેચતા હતાં. પોલીસની પૂછપરછમાં આરોપીઓએ જણાવ્યું કે, ક્રેનથી ગાડી લઇ જવા પર કોઇને પણ શક થતો ન હોતો અને લોકો એમ વિચારતા હતાં કે ટ્રાફિક પોલીસ ગાજીને ઉઠાવીને લઇ જઇ રહેલ છે અને ચોર લોકો બિલકુલ સરળતાથી ગાડી ચોરીને લઇ જતા હતાં.
આ રીતે ફૂટ્યો ભાંડોઃ
એનબીટીનાં એક સમાચાર અનુસાર, હરિયાણાનાં સોનીપતમાં ગન્નોરનાં રહેનાર હરીશ કુમાર શર્મા સોમવારનાં રોજ પોતાનાં પિતાની સારવાર કરાવવા માટે જીબી પંત હોસ્પિટલ આવ્યાં હતાં. સાંજનાં હરીશ થોડોક સામાન લઇને સદર બજાર પહોંચ્યો. જ્યાં તેઓએ રસ્તા પર સાઇડમાં ગાડી ઉભી રાખીને ચાલ્યા ગયા.
અંદાજે 4 કલાક બાદ જ્યારે હરીશ પરત આવ્યાં તો તેઓએ જોયું કે તેમની કાર ગાયબ હતી. આની પર હરીશે આસપાસનાં લોકોને પૂછ્યું તો કોઇને ખ્યાલ ન હોતો. જેથી હરીશે વિચાર્યુ કે કદાચ ટ્રાફિક પોલીસ કાર ઉઠાવીને લઇ ગઇ છે. ત્યારે આ મામલે તેને ટ્રાફિક પોલીસમાં જાણકારી આપી, પરંતુ ટ્રાફિક પોલીસે સ્પષ્ટપણે ના કહી દીધી કે એમની પાસે કોઇ જ કાર નથી.
બાદમાં પોલીસને આધારે હરીશની કાર સિદ્ધીપુરા ચોકીમાં ઉભી હતી. હકીકતમાં ચોરોની ગેંગ જ્યારે કારને ક્રેનથી ઉઠાવીને લઇ જઇ રહ્યાં હતાં ત્યારે કારનાં પાછલા પૈડાં જમીનમાં ધસી ગયા હતાં. હકીકતમાં હરીશે કાર ઉભી કરતી વેળાએ કારમાં હેન્ડબ્રેક લગાવી દીધી હતી. જેથી ટ્રાફિક પોલીસકર્મીઓએ એ વેળાએ આ દ્રશ્ય જોતા તેમને શંકા પડતા તેમની પૂછપરછ કરી અને બાદમાં ચોરીનો ખુલાસો થતાં ક્રેનમાં સવાર ત્રણ લોકોની ધરપકડ કરી લીધી.