2 દિવસના ભૂટાનના પ્રવાસે પહોંચેલા પ્રધાનમંત્રી નરેન્દ્ર મોદીનું પડોશી દેશમાં વિશેષ રીતે સ્વાગત કરવામાં આવ્યું હતું. ભૂટાની પ્રધાનમંત્રી લોટે શેરિંગ નરેન્દ્ર મોદીને આવકારવા માટે ખુદ એરપોર્ટ પહોંચ્યા હતા. તો ત્યાં તેમને ગાર્ડ ઓફ ઓનર આપીને આવકારવામાં આવ્યા હતા.
પ્રધાનમંત્રી મોદીનું સ્વાગત કરવા લોકો ભૂટાનની ગલીઓમાં ઉમટ્યા
ઉલ્લેખનીય છે કે, પ્રધાનમંત્રી મોદીનું સ્વાગત કરવા લોકો ભૂટાનની ગલીઓમાં ઉમટ્યા હતા. સેંકડો લોકો ભારત અને ભુટાનના ધ્વજ લઈને પારોથી થિમ્ફુ જતા રસ્તા પર ઉભા રહ્યા હતા. લોકોએ પીએમ મોદીનું અભિવાદન કર્યું હતું. જો કે, પ્રધાનમંત્રીના સ્વાગત દરમિયાન એક ઘટના એવી પણ બની હતી કે, તેમની સામે વધુ એક મોદી આવી ગયા હતા.
In a special gesture, the banquet hosted in PM @narendramodi’s honour in Bhutan included a programme on the Prime Minister’s journey. Have a look... pic.twitter.com/AH4FwLXRh1
આ ઘટના ત્યારે બની જ્યારે પ્રધાનમંત્રી મોદીના સન્માનમાં એક બેંક્વેટ દ્વાર પર આયોજીત કાર્યક્રમ દરમિયાન નરેન્દ્ર મોદીની પ્રધાનમંત્રી પદ સુધી પહોંચવાની સમગ્ર ઘટનાની જીવંત રજૂઆત કરવામાં આવી હતી. ભારતીય પ્રધાનમંત્રીની સામે ભૂટાનના કલાકારો દ્વારા બાળપણથી લઇને પ્રધાનમંત્રી પદ સુધી પહોંચવાની યાત્રાને જીવંત રીતે રજૂ કરવામાં આવી હતી.
ઉલ્લેખનીય છે કે, પ્રધાનમંત્રી કાર્યાલયે પણ આ વીડિયોને ટ્વીટ કર્યો છે. 17 ઓગસ્ટના રોજ 2 દિવસીય ભૂટાન યાત્રા પર ગયેલા પ્રધાનમંત્રી થિમ્યુ પહોંચ્યા હતા. આ યાત્રા દરમિયાન બંન્ને રાષ્ટ્રો વચ્ચે 9 સમજુતી કરાર પર હસ્તાક્ષર થયાં છે. આ પ્રવાસ દરમિયાન તેમણે રૂપે કાર્ડનું લોન્ચિંગ પણ કર્યું હતું.
2014 માં પ્રથમ વખત કરી હતી ભૂટાન યાત્રા
આ પહેલા 2014માં પહેલીવાર પ્રધાનમંત્રી બન્યા ત્યારે પહેલી વિદેશ યાત્રા ભૂટાનની કરી હતી. બીજી વખત પ્રધાનમંત્રી બન્યા પછીની આ પ્રથમ યાત્રા છે.