આ યાદીમાં કોંગ્રેસ તરફથી 6 અને ભાજપા તરફથી 10 ઉમેદવારોની જાહેરાત કરવામાં આવી છે. જેમાં સૌથી ખાસ વાત એ જોવા મળી છે કે હવે નવી દિલ્હી વિધાનસભા બેઠક પર મુખ્યમંત્રી અરવિંદ કેજરીવાલ સામે કોંગ્રેસના રોમેશ સભરવાલ અને ભાજપના સુનિલ યાદવ ટક્કર આપતા જોવા મળશે.
દિલ્લીમાં ભાજપે 10 ઉમેદવારોના નામની કરી જાહેરાત
દિલ્લી ચૂંટણીને લઈ કોંગ્રેસની ઉમેદવારોની યાદી જાહેર
7 ઉમેદવારોના નામ કોંગ્રેસે વિધિવત રીતે કર્યા જાહેર
દિલ્હી વિધાનસભા ચૂંટણી માટે ભાજપે પોતાની બીજી યાદી જાહેર કરી દીધી છે. આ યાદીમાં ભારતીય જનતા પાર્ટીએ દિલ્હી વિધાનસભા ચૂંટણી માટે 10 ઉમેદવારોના નામનું એલાન કર્યું છે.
Delhi polls: BJP releases second list, Tajinder Pal Bagga to contest from Hari Nagar seat
આ યાદીમાં સીએમ કેજરીવાલ સામે પોતાના ઉમેદવારની જાહેરાત કરી દીધી છે. યાદી અનુસાર નવી દિલ્હી બેઠક પરથી ભાજપના સુનીલ યાદવને ટિકિટ આપવામાં આવી છે.
ભાજપ દ્વારા જાહેર કરવામાં આવેલી બીજી યાદીમાં નાંગલોઇ જાટથી સુમનલતા શૌકીન, રાજૌરી ગાર્ડનથી રમેશ ખન્ના, હરિનગરથી તેજિંદર પાલ બગ્ગા, દિલ્હી કૈંટથી મનીષસિંહ, નવી દિલ્હીથી સુનીલ યાદવ, કસ્તૂરબા નગરથી રવિન્દ્ર ચૌધરી, મહરોલીથી કુસુમ ખત્રી, કાલકાજીથી ધર્મવીર સિંહ, કૃષ્ણા નગરથી અનિલ ગોયલ અને શાહદરાથી સંજય ગોયલનું નામ સામેલ છે.
કોંગ્રેસે બીજી યાદી જાહેર કરી
જ્યારે કોંગ્રેસ તરફથી બીજી યાદી બહાર પાડવામાં આવી છે. જેમાં તિલક નગરથી રમિંદ્ર સિંહ બમરહા, રાજિંદર નગરથી રોકી ટૂસિડ, બદરપુરથી પ્રમોદ કુમાર યાદવ, કોંડલીથી અમરીશ ગૌતમ, ઘોંડાથી ભીષ્મ શર્મા, કરાવલ નગરથી અરવિંદ સિંહને ટિકિટ આપવામાં આવી થેય કોંગ્રેસ દ્વારા અત્યાર સુધીમાં 61 ઉમેદવારોના નામની જાહેરાત કરી દેવામાં આવી છે.