ચૂંટણી / દિલ્હી વિધાનસભા ચૂંટણીઃ 8 ફેબ્રુઆરીએ મતદાન, 11 ફેબ્રુઆરીએ પરિણામ

• દિલ્હી વિધાનસભા ચૂંટણી કાર્યક્રમની આજે જાહેરાત કરાઇ
• દિલ્હીમાં 8 ફેબ્રુઆરીએ તમામ 70 વિધાનસભા બેઠકો પર વોટીંગ થશે
• 11 ફેબ્રુઆરીએ ચૂંટણી પરિણામ જાહેર કરવામાં આવશે

વિધાનસભા ચૂંટણીમાં એકવાર ફરી ત્રિકોણીય જંગ જામશે. દિલ્હી વિધાનસભા ચૂંટણીને લઇને મુખ્ય ચૂંટણી કમિશનરે કહ્યું કે, વોટિંગ માટે 2689 બુથ હશે. દિલ્હી ચૂંટણીને લઇને મીડિયા મોનિટરિંગ ટીમનું ગઠન કરવામાં આવ્યું છે. 

દિલ્હીમાં વિધાનસભા ચૂંટણીની તારીખોનું એલાન 

• નોટિફિકેશન-14 જાન્યુઆરી, મંગળવાર
• નોમિનેશનલની અંતિમ તારીખ-21 જાન્યુઆરી, મંગળવાર
• સ્ક્રૂટની-23 જાન્યુઆરી
• નામાંકન પાછુ લેવાની તારીખ-24 જાન્યુઆરી
• મતદાન તારીખ-8 ફેબ્રુઆરી
• ચૂંટણી પરિણામ-11 ફેબ્રુઆરી
• વિધાનસભા બેઠકોની કુલ સંખ્યા-70 
• 58 સામાન્ય, 12 SC બેઠકો
• કુલ પોલિંગ બૂથ-13750 

પ્રેસ કોન્ફરન્સમાં શું બોલ્યા મુખ્ય ચૂંટણી કમિશનર

મુખ્ય ચૂંટણી કમિશનર સુનીલ અરોડાએ પ્રેસ કોન્ફરન્સમાં કહ્યું કે દિલ્હીમાં કુલ 70 વિધાનસભા બેઠકો છે. હાલની વિધાનસભાનો કાર્યકાળ 22 ફેબ્રુઆરી 2020એ ખતમ થઇ રહ્યો છે. ચૂંટણીને લઇને રાજ્ય ચૂંટણી પંચ, પોલીસની સાથે બેઠક કરવામાં આવી હતી. મતદારોને પોલિંગ બૂથ પર આવવા માટે પિક-અપ ડ્રૉપ મળશે. તેની જાણકારી વેબસાઇટ પર નાંખવામાં આવશે અને એક નંબર પણ જાહેર કરવામાં આવશે. 

દિલ્હીની સ્થિતિ

દેશની રાજધાની દિલ્હીમાં વિધાનસભા ચૂંટણી હંમેશા રસપ્રદ હોય છે. અહીંથી નીકળેલા જનાદેશનો સંદેશ આખા દેશમાં પહોંચે છે. દિલ્હીમાં લગભગ દોઢ કરોડ વોટર છે, જે રાજ્ય સરકારની કિસ્મતનો નિર્ણય કરશે. 

• દિલ્હીમાં કુલ મતદારોની સંખ્યા- 1,46,92136
• પુરુષ મતદાર-8055686
• મહિલા મતદાર-6635635
• થર્ડ જેન્ડર 815
• NRI મતદાર-489
• સર્વિસ મતદાર-11556

2015માં થયેલી દિલ્હી વિધાનસભા ચૂંટણીમાં આમ આદમી પાર્ટીએ રેકોર્ડ જીત મેળવી હતી. આમ આદમી પાર્ટીએ દિલ્હીની 70 વિધાનસભા બેઠકોમાંથી 67 બેઠકો પર જીત પ્રાપ્ત કરી હતી અને 3 બેઠકો પર ભાજપે જીત મેળવી હતી, જ્યારે કોંગ્રેસ એકપણ બઠેક જીતી શકી નહોતી. 

Chief Election Commissioner Sunil Arora on Delhi assembly elections: Date of poll is 8th February, 2020 and counting of votes will take place on 11th February. pic.twitter.com/1mv9Sa59ep

— ANI (@ANI) January 6, 2020

આ વખતે ચૂંટણી પરિણામ શું આવશે, એ તો ચૂંટણી બાદ જાણવા મળશે પરંતુ તમામ પાર્ટીઓ તમામ તાકત સાથે ચૂંટણીની તૈયારીઓમાં લાગી ગઇ છે. એક તરફ જ્યાં અરવિંદ કેજરીવાલની સામે ખુરશી બચાવવાનો પડકાર છે તો બીજી તરફ 21 વર્ષથી સત્તાથી બહાર બીજેપી ખુરશી મેળવવા માટે પૂર્ણ તૈયારી કરી રહી છે. 2015માં થયેલી દિલ્હી વિધાનસભા ચૂંટણી દરમિયાન આમ આદમી પાર્ટીએ રેકોર્ડ તોડ જીત પ્રાપ્ત કરી હતી, દિલ્હીની 70માંથી 67 વિધાનસભા બેઠકો પર આમ આદમી પાર્ટીના ઉમેદવાર જીત્યા હતા. 

દિલ્હી મુખ્ય ચૂંટણી અધિકારી (CEO)એ જણાવ્યું કે, મતદાર ઓળખપત્રમાં સુધારનું કામ 15 નવેમ્બર 2019એ શરૂ થયું હતું. જે 16 ડિસેમ્બર 2019એ પૂર્ણ થયું છે. હાલ દિલ્હીમાં લગભગ 1.47 કરોડ મતદારો રજીસ્ટર છે.