વિવાદ / દિલ્હી વિધાનસભાના ભાજપના ઉમેદવાર એક ટ્વીટ કરીને ફંસાયા, EC એક્શનમાં, FIR દાખલ

• કપિલ મિશ્રા વિરુદ્ધ નોંધાયો ગુનો
• વિવાદિત ટ્વીટને લઈને ફરિયાદ
• ટ્વીટરમાં મિની પાકિસ્તાનનો ઉલ્લેખ

દિલ્હીના મુખ્ય ચૂંટણી અધિકારી રણવીર સિંહે દિલ્હી પોલીસને કપિલ મિશ્રા વિરુદ્ધ ફરિયાદ કરવા માટે આદેશ આપ્યો છે. આપને જણાવી દઈએ કે, કપિલ મિશ્રાએ ગુરૂવારે ટ્વીટ કર્યું હતું કે, આપ અને કોંગ્રેસે શાહીન બાગ જેવા મિનિ પાકિસ્તાન બનાવ્યા છે. તેના જવાબમાં હિન્દુસ્તાન 8 ફેબ્રુઆરીએ ઉભુ રહેશે. 

આ ટ્વીટને લઈને કપિલ મિશ્રાની મુશ્કેલીમાં વધારો થયો છે. ચૂંટણી પંચે કપિલ મિશ્રાને આદર્શ આચાર સંહિતાના ઉલ્લંઘન મામલે નોટિસ ફટકારી છે. તેના નિવેદન પર વિપક્ષી પાર્ટીઓએ પણ ખેદ વ્યક્ત કર્યો હતો અને ચૂંટણી પંચમાં પણ ફરિયાદ કરી હતી.

ચૂંટણી પંચે એક્શન લેતા કપિલ મિશ્રાને નોટિસ ફટકારી હતી. એટલું જ નહીં ચૂંટણી પંચે ટ્વિટરને કપિલ મિશ્રાના વિવાદિત ટ્વીટને દૂર કરવાનો આદેશ પણ આપ્યો છે. જ્યાર બાદ ટ્વિટર પરથી તેમણે ટ્વીટ ડિલીડ કરી દીધું છે.