દેશભરમાં આજે ધામધૂમથી દિવાળીની ઉજવણી કરવામાં આવી રહી છે અને બધા જ દીવડાંઓ પ્રજ્વલિત કરી તથા ફટાકડા ફોડીને ઉજવણી કરી રહ્યા છે ત્યારે દિલ્હીમાં પર્યાવરણને ધ્યાનમાં રાખીને ફટાકડા પર પ્રતિબંધ મૂકવામાં આવ્યો હતો.
દિલ્હીમાં હવા પ્રદૂષણ રોકવા લેવાયો હતો નિર્ણય
પ્રતિબંધ છતાં દિલ્હીમાં જોરદાર આતશબાજી
નોએડા અને ગુરુગ્રામમાં પણ હવાનું સ્તર ખરાબ થઇ ગયું
દેશના પાટનગર દિલ્હીમાં બેન હોવા છતાં લોકો ખૂબ ફટાકડા ફોડી રહ્યા છે. દિલ્હી-NCRમાં પ્રદૂષણ ગંભીર સ્તર પર પહોંચી ગયું છે. દિલ્હીમાં દિવાળીની રાત્રે આબોહવા ખૂબ ખરાબ થઇ ગઈ જોકે દિલ્હીમાં તો 30 નવેમ્બર સુધી ફટાકડાની ખરીદી અને તેને ફોડવા પર પણ પ્રતિબંધ લગાવવામાં આવ્યો છે.
#WATCH Delhi: People burst firecrackers in South Extension area in South Delhi on #Diwali.
National Green Tribunal (NGT) has imposed a total ban on the sale or use of all kinds of firecrackers in Delhi-NCR till 30th November. pic.twitter.com/qBw8ADRpe4
આંકડાઓ અનુસાર નોએડામાં જ એર ક્વોલિટી ઇન્ડેક્સ 500ને પાર થઇ રહ્યો છે અને દિલ્હીનાં પડોશી શહેર ગુરુગ્રામાં હવાનું સ્તર ખૂબ જ ખરાબ શ્રેણીમાં છે. દિલ્હીની હવાની ગુણવત્તા પણ વધારે ખરાબ થઇ છે અને AQI ખૂબ ખરાબ સ્તર પર પહોંચી ગયો છે.
નિષ્ણાતોએ પહેલા જ દિવાળીની રાત્રે દિલ્હીની હવાને ગંભીર નુકસાન થવાની આશંકા વ્યક્ત કરી હતી અને શનિવારે સવારે દિલ્હીમાં AQI 424 પર હતો એટલે કે ખતરનાક શ્રેણી, આ પહેલા શુક્રવારે AQI 324 રહ્યો હતો. નિષ્ણાતો અને સરકારી એજન્સીનું માનવું છે કે દિવાળીની રાત બાદ દિલ્હીની હવા હજુ પણ ખરાબ થશે.